Lífið í Reykjanesbæ

12.3.2007 | 00:15

Fyrir 12 árum síðan.....

....sunnudaginn 12. mars 1995, fæddist þessa litla prinsessa og frumburðurinn minn á Sjúkrahúsi Vestmannaeyja, kl. 20:38. Hún var 13 merkur og 52 cm. löng. Eins og sönnum kvenmanni sæmir lét hún bíða eftir sér......hún átti að fæðast 25. febrúar

Þetta var ást við fyrstu sýn

Í desember sama ár fórum við mæðgurnar til Afríku !! Ekki amalegt að eiga fyrstu jólin hinum megin á hnettinum

Foreldrar mínir og systir bjuggu á þessum tíma í smábæ sem heitir Lüderitz og þar eyddum við jólunum "95. Á myndinni er hún með afa Stjána, þar sem við vorum á smá ferðalagi

Yndislegt brosið hennar

Við bjuggum saman ég og hún í blokkaríbúð í Eyjum. Amma hennar og afi, pabba hennar megin, pössuðu hana mjög mikið fyrir mig á meðan ég var að vinna. Ég vann rosalega mikið á þessum tíma og hún var þar af leiðandi mikið hjá þeim.......

Á þessari mynd vorum við í heimsókn hjá mömmu, og Linda Kristín komst í gleraugu ömmu sinnar.......í hvert einasta sinn sem ég skoða þessa mynd fer ég að hlægja,það er ekki annað hægt, sjáiði svipinn á henni ? Þarna var hún heillengi og las í bókinni sinni, handviss um að með gleraugunum kynni hún að lesa

Litli hnoðrinn, sem fæddist fyrir 12 árum, er orðin að þessari yndislega fallegu ungu dömu. Útlitslega séð finnst mér ég ekki eiga mikið í henni, hún er alveg eins og pabbi sinn......tja nema háraliturinn

Hún býr hjá ömmu sinni og afa í Eyjum og hefur gert síðan ég flutti frá Eyjunum "99. Eða í raun lengur en það þar sem hún var svo mikið hjá þeim........ ég sakna hennar svooooo

Til hamingju með afmælið þitt elsku ástin mín

Það er sagt að allir eigi "golden birthday" einu sinni á ævinni. Þ.e.a.s. þegar aldurinn er jafnhár fæðingardeginum..........hjá Lindu Kristínu er sá dagur í dag, hún er 12 ára gömul tólfta.

Ég varð 13 ára þrettánda.......hver er ykkar golden birthday ??

Flokkur: Vinir og fjölskylda | Facebook

Athugasemdir

Ég varð 12 ára 12. febrúar 1973.

Jón Steinar Ragnarsson, 12.3.2007 kl. 00:52

Innilega til hamingju með skvísuna

Oddný Jónsdóttir (IP-tala skráð) 12.3.2007 kl. 03:12

Mikil einlægni í þessari færslu! Til hamingju með þessa ljúfu snót! Ég á minn golden eftir x ár þegar ég verð 40 ára (man ekki eftir 4urra ára deginum) Steingeit 04.jan fyrir ekki svo mörgum árum! ..........

www.zordis.com, 12.3.2007 kl. 08:05

Innilega til hamingju með snótina. Ég var 16 ár þann 16 mai og hélt upp á það í slorgallanum með perutertu sem mamma bakaði ég held bara að ég hafi verið að vinna í frystihúsinu með þér svei mér þá annars bara man ég ekki eftir þessum degi og það á sjálfum gull deginum..... ef ég bara hefði vitað það heheh

Harpa Bragadóttir, 12.3.2007 kl. 11:29

Til hamingju með þessa fallegu dóttir , mikið skil ég vel hvað þú saknar hennar .. ég varð 6 ára 6 apríl 1975

Margrét M, 12.3.2007 kl. 11:47

Falleg færsla, Gerða. Hjartanlega til hamingju með stelpuna! Hvernig finnið þið annars út þennan gullna afmælisdag ykkar?

Hugarfluga, 12.3.2007 kl. 12:00

Æ, ég er svo ljóshærð stundum!! Ég varð auðvitað 4 ára 4. september. *andvarp*

Hugarfluga, 12.3.2007 kl. 12:00

Til hamingju með frumburðin

Beggi (IP-tala skráð) 12.3.2007 kl. 12:26

Takk fyrir kveðjurnar kæru vinir

Gerða Kristjáns, 12.3.2007 kl. 16:58

Innilega til hamingju með dótturina falleg dóttir og falleg orð frá stoltu mömmslunni !! Golden birthday - frábært, jú ég varð 22 ára 22 maí mmmm árið 1991

bara Maja..., 12.3.2007 kl. 18:39