Leita í fréttum mbl.is

Færsluflokkur: Vinir og fjölskylda

Afmæli á Húnabrautinni

Þetta kjánaprik á afmæli í dag, ótrúlegt alveg að það séu 11 ár síðan hann fæddist !!

Til hamingju með afmælið þitt elsku Þorsteinn minn InLove

 

DSC00658

 


Duglegi strákurinn minn !! :o)))

ist2 1854269 pottyÉg hef verið að prófa undanfarið að setja Viktor Óla á klósettið þegar hann fer í bað.....en hann hefur ekki verið hrifinn af því, eiginlega engann veginn bara.

Í gærkvöldi prófuðum við einu sinni enn.....og viti menn !!  Hann sprændi þessa líka fínu bunu !  Og hann varð svooo montinn og uppveðraður af þessu að það var alveg frábært Grin

Í dag er ég búin að fara með hann 3svar sinnum á klósettið og í hvert sinn kemur buna....hann er farinn að horfa niður og bíða eftir bununni.......og alltaf jafn spenntur Grin

Ég er ekkert smá montin af honum Grin


2 ár síðan...

Nýfæddur...að þessi mynd var tekin á FSA.  Hann fæddist kl. 19:04 á föstudegi, hann var 15 merkur við fæðingu og 51 cm.  Hann fékk strax við fæðingu nafnið Viktor Óli.

Á myndinni er hann ca. 2ja klst gamall í fanginu á Sollu "pabba"......(Solla var viðstödd og klippti á strenginn)

Næstum árs gamallMyndin til hægri var tekin þegar hann var rétt 11 mánaða.  Hann var hjá pabba sínum á 1 árs afmælinu og þessi var tekin rétt áður en þeir fóru þangað í sumarfrí.  BARA krúttböggull InLove

DSC00718
Síðasta myndin er tekin núna í morgun, litli gaurinn minn er orðinn 2ja ára gamall !!  Tíminn er hrikalega fljótur að líða, það er skuggalegt......maður blikkar augunum og missir af einhverju merkilegu í þroska barnsins.

Ætla að láta þessu lokið í bili, við þurfum að baka köku í tilefni dagsins Grin



TIL HAMINGJU MEÐ AFMÆLIÐ ÞITT VIKTOR ÓLI !!!  Grin

Búin að hafa það svo gott.....

....um hátíðarnar Smile

Aðfangadagur kom og fór.......og guttarnir mínir áttu svolítið erfitt að hemja biðlundina, enda ekkert skrítið, hver man ekki eftir því hvað var erfitt að bíða þegar maður var yngri ?
Þetta gekk samt allt mjög vel.  Við fórum í jólagrautinn hjá Höllu frænku, sem var að þessu sinni ekki uppi á Mýrum eins og venjulega heldur á Húnabrautinni þeirra.  Viktor Óli matargat át sinn skammt af graut hjá Lenu frænku, og þegar hann var búinn af sínum disk gekk hann á millli hinna og fékk smá auka smakk LoL

Árný hélt jólin hjá okkur strákunum, það var alveg yndislegt og ómetanlegt að hafa hana hérna hjá okkur.  Á meðan ég var að hafa ofan af fyrir strákunum, sjá til þess að pakkarnir væru ekki rifnir upp of snemma og að þeir yrðu klæddir í jólafötin á skikkanlegum tíma, sá hún um að koma steikinni í ofninn og búa til nammisalatið góða.  Húsfrúin gerði nú samt sósuna þannig að ég tók líka þátt í matargerðinni LoLLoL
Borðuðum vel og mikið af hamborgarhrygg og öllu gúmmelaðinu með.......jömmmm...... Tounge
Eftir uppvask og frágang fórum við frænkur niður að "anda að okkur frísku lofti" og guttarnir fengu pakka til að opna á meðan.  Síðan tók við pakkaflóðið !  Ég hef aldrei séð eins marga pakka undir trénu eins og þetta árið......enda tók það tímann sinn að opna þetta allt saman.  Þegar við vorum rétt um hálfnuð var Viktor Ólinn minn orðinn frekar sybbinn þannig að hann fór í rúmið að sofa og við settum smá pásu til að borða eftirréttinn. 
Síðan héldum við áfram og með hjálp frá strákunum náðum við að opna restina af Viktors pökkum ásamt þeirra og okkar, og allt tók þetta enda fyrir rest.
Við fengum margar góðar gjafir og þakka ég kærlega fyrir mig og drengina mína InLove
Vænst af öllu þótti mér þó um sendinguna sem Gísli frændi kom með þegar við vorum rétt byrjuð að opna pakkana, þúsund þakkir fyrir að koma með þetta þegar þú gerðir, mér þótti ógurlega vænt um það InLove

Þegar strákarnir voru búnir að skoða eitthvað af dótinu sem þeir fengu, var haldið í bælið, enda hálfgert spennufall eftir daginn.  Árný rölti yfir á Húna 11 og kom til baka síðar um kvöldið með Oddný og Birni Snæ með sér, þau voru hérna á meðan Halla, Gísli og Jökull fóru í miðnæturmessu.
Við sátum hérna eins og klessur, allar á náttfötum og horfðum á sjónvarpið........og svo var auðvitað nauðsyn að kroppa í leifarnar LoL  Skálin með nammisalatinu var dregin fram, fatið með hryggnum á og Machintosh dósin líka hehehe Smile  Ohhhh........það er svoooo gott að borða Wink

Á jóladag fórum við gaurarnir yfir á Krókinn í jólakaffi til Oddnýjar systur.  Aldrei skal maður kunna sér hóf, og að sjálfsögðu var étið á sig gat þar.  Takk fyrir okkur InLove  Þannig að hangikjetið sem ég sauð um kvöldið frestaðist til næsta dags.

Annar í jólum var svolítið lengi að líða fyrir suma.....Laugi var á leiðinni norður að sækja strákana og Matthías var alveg viss um að hann kæmi bara alls ekkert fyrst hann var ekki kominn á einhverjum ákveðnum tíma.  Hann kom þó á endanum og tókst að læðast inn og svipurinn á sonum mínum þegar pabbi þeirra birtist í hurðinni var frábær.........það var alveg meiriháttar Smile
Borðuðum hangikjetið og höfðum það fínt........og Laugi fór svo með þá suður og til Eyja daginn eftir.

Þá tók hversdagsleikinn við.......var í vinnu á fimmtudaginn og í gær líka, en er svo komin í frí fram til 2. jan.  Ef að frá er talið áramótaballið sem ég kom mér í vinnu á.

Er svo búin að sitja hérna og sauma og sauma og sauma........og glápa á sjónvarpið með, það er ferlega þæginlegt Wink

Vona að þið hafið öll haft það eins gott og mögulegt er.......þangað til næst, knús á línuna InLove

Gleðilega hátíð

Jólatré  Gleðileg Jól Jólatré

Hamingjan gefi þér gleðileg jól
Gæfu þér veiti ný hátíðarsól
Brosi þér heimurinn heiður og blár
Og hlýju þér færi hið ókomna ár.

Kæru vinir, ég óska ykkur öllum gleðilegra jóla, og hamingju um hátíðina sem og um ókomna tíð.
Takk fyrir skemmtilegann lestur og samveruna á árinu InLove

Jólakveðja

Gerða
Þorsteinn Vestmann, Matthías Freyr og
Viktor Óli

Lítil hjartnæm saga

Þessi saga gerðist fyrir mörgum árum.

Gylltur pakkiMaður nokkur refsaði 3ja ára gamalli dóttur sinni fyrir það að eyða heilli rúllu af gylltum pappír.  Ekki var mikið til af peningum og reiddist hann þegar barnið reyndi að skreyta lítið box til að setja undir jólatréð.  Engu að síður færði litla stúlkan föður sínum boxið á jóladagsmorgun og sagði: "Þetta er handa þér pabbi".  Við þetta skammaðist faðir stúlkunnar sín fyrir viðbrögð sín daginn áður.  En reiði hans gaus upp aftur þegar hann áttaði sig á því að boxið var tómt.  Hann kallaði til dóttur sinnar: "Veistu ekki að þegar þú gefur einhverjum gjöf, þá á að vera eitthvað í henni?"
Litla stúlkan leit upp til pabba síns með tárin í augunum og sagði: "Ó pabbi, boxið er ekki tómt.  Ég blés fullt af kossum í það.  Bara fyrir þig Dapurpabbi"  Faðirinn varð miður sín.  Hann tók utan um litlu stúlkuna sína og bað hana að fyrirgefa sér.

Það er sagt að mörgum árum seinna, þegar faðir stúlkunnar lést, og hún fór í gegnum eigur hans, hafi hún fundið gyllta boxið frá því á jólunum forðum, við rúmstokkinn hans.  Þar hafði hann haft það alla tíð, því þegar honum leið ekki vel gat hann tekið upp ímyndaðann koss og minnst allrar ástarinnar sem barnið hans hafði gefið honum og sett í boxið.
Í vissum skilningi höfum við allar lifandi mannverur, tekið á móti gylltum boxum frá börnum okkar, fjölskyldum og vinum, fullum af skilyrðislausri ást og kossum.  Það getur enginn gefið dýrmætari gjöf.
Í dag skaltu gefa þér augnablik og njóta stórrar handfylli af minningum.  Og mundu að þær verma hjarta þitt og bráðna þar........en ekki í höndum þínum.

Þessi saga beið mín undir bréfalúgunni í morgun.........ásamt fleiru, og vil ég þakka þér kærlega fyrir, hver sem þú ert (Það stóð reyndar Stekkjarstaur undir í kortinu en ég held að það sé plat)
Takk !!!
  Blow a kiss

Smælaðu framan í heiminn

Og þá mun heimurinn smæla framan í þig LoL

Stóri strákurinn minn :) SMÆL !! Viktor Óli broskall

Sorg í hjarta :o(((((((

KrossÍ febrúar sl. skrifaði ég færslu á gamla bloggið mitt......var á fortíðarflippi eins og maður kallar það.  Færslan er hér.  Hún er um mig og 3 bestu vini mína úr 10. bekk, Guðrúnu, Magga og Berta.  Ég endaði færsluna a að segja: "Við verðum að hittast fljótlega, öll 4...........ekki spurning :o))"
Það gerðist ekki, og á ekki eftir að gerast Crying  Maggi lést í mótorhjólaslysi á Krísuvíkurvegi í fyrradag CryingCryingCryingCryingCryingCrying
Elsku Guðrún mín.......orð mín fá ekki lýst þeim sársauka sem ég finn þér til handa, og fjölskyldu Magga CryingCrying  Missir ykkar er svo mikill Crying

Elsku vinir mínir og aðrir sem reka hér inn nefið........ekki fresta því að hitta vini ykkar eða fjölskyldu, á morgun gæti það verið of seint.  Verið dugleg að knúsa þau og láta þau vita að ykkur þyki vænt um þau.

Með sorg í hjarta Crying

Gerða


Gómaður með hveitidallinn !!!!

Myndirnar segja allt sem segja þarf.......þarna sat hann og ljómaði eins og sól í heiði LoL

     Gómaður !   Hahaha

Kæru vinir og fjölskylda

Mér þykir leitt að þurfa að segja ykkur þetta, en þetta verður síðasta bloggfærslan mín.
Það er mikið búið að ganga á undanfarið og lífið styttist og styttist með hverjum deginum.
Ég vil nota tímann minn að gera eitthvað sem mig hefur alltaf langað til að gera.
Af þeim sökum ætla ég að hætta að blogga og fara í ferðalag með mótórhjólagengi, sjá meira af landinu og njóta lífsins á meðan ég get.
Ekki hafa áhyggjur af mér - þeir virðast allir vera ágætis gaurar.

Það er búið að vera gaman að skrifa hérna og fá commentin en núna er komin tími til að kveðja Crying








Myndin af gengingu er hérna fyrir neðan..........





















Biker gengið :o))


HVER VIL KOMA MEÐ ???????  LoL Cool
ps. Ég er ekkert að hætta sko......það er ekki hægt að yfirgefa ykkur haha Tounge

Næsta síða »

Ég heiti...

Gerða Kristjáns
Gerða Kristjáns
"Gættu þess að segja stundum eitthvað fallegt við vini þína, eitthvað sem kemur beint frá hjartanu."

Nafnlausum athugasemdum verður eytt !

Heimsóknir

Flettingar

  • Í dag (28.3.): 0
  • Sl. sólarhring:
  • Sl. viku:
  • Frá upphafi: 0

Annað

  • Innlit í dag: 0
  • Innlit sl. viku:
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband