Við undirrituð krefjumst aðgerða.

http://hradi.abuse.is/

Hvet ykkur til að rita undir þetta og birta þessa áskorun á bloggsíðum ykkar.

Viktor Óli á...........

....nýjan besta vin.  Hann er í fljótandi formi, í blárri túpu og heitir Bonjela !  Ég var að finna 3ju tönnina á 9 dögum !  Hann er ogguponsu pínulítið pirraður þessa dagana

Snilld dagsins

http://www.hvaderimatinn.is/

Þetta er svona ekta fyrir dúfusa eins og mig sem vita aldrei hvað þeir eiga að hafa í matinn !

Takk Tiddi darling fyrir linkinn

Rétt skriðin inn.....

.....eftir frábæran dag á Króknum.  Við strákarnir skelltum okkur yfir í morgun og náðum næstum að góma alla í bælinu hahaha   Þorsteinn og Matthías spændu strax út með Ingunni Mist og Ýrenu Sól og við sáum þau ekki aftur næstu klukkutímana.  Ég, mamma og Oddný kíktum í smá göngutúr með Viktor Óla......ég hafði verið svo sniðug að taka vagninn af leikskólanum í gær og taka hann með norður.  Svo eftir smá næringu eftir göngutúrinn fórum við til Bjössa og Siddýjar.....alltaf svo gott að koma þar   Viktor græddi á þeirri heimsókn, Siddý hafði fyrir einhverju síðan búið til bútasaumsteppi handa honum en það átti alltaf eftir að komast hingað heim, alveg meiriháttar æðislega flott teppi.
Svo fórum við aftur heim til mömmu og þar var grillað læri og búinn til kjúklingaréttur, sem ég hafði því miður ekki pláss fyrir útaf græðginni í lærið hahaha   Viktor fékk nú ekki mikið að smakka af matnum, smá kjöt og slatti af grjónum.......en amma hans fann svona heilsmekk með ermum og öllu og gaf honum íspinna í eftirrétt eins og hinum börnunum !  Það var frábært að sjá hann með íspinnann, svo varð hann reiður því það kom svo lítið með því að sjúga, þannig að amman náði í skeið og mokaði uppí hann á meðan hann kreisti súkkulaði utan af honum í lófanum.  Það hefur verið ógurlega gott að fá svona kalt í munninn því tönn númer 2 fannst í dag   Vika á milli tannana

En allavegana, dagurinn er búinn að vera meiriháttar og ég er alveg búin á því........ætla að fara að koma mér í bælið svo ég verði nú fersk á morgun þegar Linda Kristín kemur.......ójá, dóttlan mín er að koma í sumarfrí

Hafið það gott elskurnar

Skólaslit

....og einkunirnar hans Þorsteins komnar í hús og ég er ekkert smá montin af stóra stráknum mínum

Hann bætti sig í næstum öllu og hæsta stökkið var um einn og hálfan í 2 greinum   

Hann fékk:

1 x 5,5

1 x 6,0

4 x 6,5

3 x 7,0

3 x 7,5

1 x 8,0

1 x 9,0

1 x 10,0

Ég er ofsalega ánægð með hann, fín umsögnin frá kennaranum                     

LOKSINS !!

Ég fann fyrstu tönnina hans Viktors Óla í dag   Loksins segi ég nú bara !!  Drengurinn er ekki "nema" 10 mánaða og 6 daga !!

Hann er búinn að eiga tannbursta tilbúinn til notkunar síðan hann var um 4 mánaða gamall hahaha

Kolbrún Bergþórsd.. er fífl !

Kolbrún Berþórsdóttir
Síðdegisútvarpið á Rás 2
Föstudaginn 25 maí 2007 

Þáttarstjórnandi ræðir nýafstaðnar kosningar við meðal annars Kolbrúnu Berþórsdóttur, þar sem þau velta fyrir sér slöku gengi Framsóknarflokksins og afleyðingar þess.  Þáttarstjórnandi spyr hvort landsbyggðin þurfi ekki á Framsókn að halda til að tryggja það að einhver flokkur taki sig af þeirra málefnum.

Kolbrún veltir því fyrir sér í örfáar sek.hvort eftirfarandi megi segja í ríkisútvarpið, en kemst að þeirri skoðun að það sé fátt, ja eða ekkert því til fyrir stöðu og segir því: 

“Af hverju ætti stór hluti þjóðarinnar að vilja búa úti á landi, þar sem ekkert er við að vera, engin aþreying.  Afskaplega skiljanlegur þessi flótti frá landsbyggðinni.  Mjög margir sem líta á það sem hrylling að búa úti á landi í fámenni, en aðrir sem kjósa það verða að sætta sig við einhæfni í atvinnulífi.

Hef fulla samúð með fólkinu á Flateyri, en kvótakerfið á ekki alla sök, það er heldur ekki hægt að byggja upp lítið sjávarpláss á einum atvinnuvegi.

Frábært að fara út á land á jeppanum í sumarhúsið, en ekki myndi ég vilja vera kennari út á landi.”

Hvernig er hægt að vera svona fáfróður ??  Ekkert við að vera og engin afþreying ?!  Hvernig vogar hún sér að segja svona um stóran hluta þjóðarinnar ??  SS. skilaboð hennar til Flateyrar eru þessi:
Æj æj....leiðinlegt, en ykkur að kenna eiginlega, fyrst þið fattið ekki að það er ekkert við að vera þarna í útnára !

Skammastu þín bara Kolbrún !!

Ég skora á ykkur landsbyggðarfólk að birta þetta á bloggum ykkar og mótmæla þessu !!

Kv. Gerða, STOLTUR LANDSBYGGÐAR JÚÐI !!

Afmælisgjöfin

Þegar ég átti afmæli um daginn fékk ég eftirfarandi sms frá Árnýju frænku:

"Vertu reddí í náttfötum, máluð, búin að kveikja á kertum, koma sonunum í svefn kl. 21:37 í kvöld !  Þá mætir glaðningur OG ÞAÐ ER BANNAÐ AÐ SVÍKJAST UNDAN ÞVÍ SEM ÞÚ ÁTT AÐ GERA   Annars kemur enginn glaðningur!

Þannig að.......þegar ég var búin í sturtunni fór ég í náttbuxurnar mínar......kveikti ekki á neinum kertum, en setti á mig einhverja kremdrullu i andlitið.  Síðan komu þessir leppajúðar, hún og Solla frænka, báðar klæddar í náttbuxur og með þessa líka frábæru gjöf !




Bakki fulllllllur af nammi, handáburður með anti-öldrunar áhrifum og eitthvað fleira gumms, og þessi snilldar kóróna :o)))

Lofaði Árnýju að setja inn myndir af þessu og hér eru þær, betra er seint en aldrei right ?

Sem manneskja hef ég rétt til að........

- vera eins og ég er

- gera mistök og standa ábyrg gagnvart þeim- taka órökréttar ákvarðanir- mér sé sýnd virðing og komið fram við mig sem fullorðna, heilbrigða mannesju- biðja um aðstoð, jafnvel þó öll sund virðist lokuð- finna til reiði og tjá tilfinningu- segja nei án þess að fyllast sektarkennd

- vera meðvitum um og stolt af andlegu atgerfi mínu

- skipta um skoðun

- segja : “Ég veit ekki, mér er sama, ég er ósammála og ég skil ekki”

- gefa ekki skýringar eða biðjast afsökunar, til að réttlæta gerðir mínar

- vænta þess að skoðunum mínum verði sýnd viðeigandi virðing

- virða þarfir mínar til jafns við þarfir annarra

- láta langanir mínar í ljós, jafnvel þó þær ráði engum úrslitum

- vera stolt af líkama mínum eins og hann er

- þroskast, læra og breytast

- virða aldur minn og reynslu

- lifa því trúarlífi sem ég sjálf kýs

- gera stundum kröfur á aðra

Svo satt !!

Þetta ætti sennilega að vera límt á spegilinn á baðinu hjá þér þar sem þú getur lesið þetta á hverjum degi. Þú gerir þér kannski ekki grein fyrir því en þetta er 100% satt!

1.   Það eru að minnsta kosti tvær manneskjur í þessum heimi sem þú myndir deyja fyrir.
2.   Það eru að minnsta kosti 15 manns í þessum heimi sem elska þig á einhvern hátt.
3.   Eina ástæðan fyrir því að einhver hati þig er, viðkomandi vill vera eins og þú.
4.   Bros frá þér getur fært einhverjum hamingju, jafnvel þótt viðkomandi líki ekki við þig.
5.   Á hverju kvöldi, hugsar EINHVER til þín áður en viðkomandi fer að sofa
6.   Þú ert himinn og jörð hjá einhverjum.
7.   Þú ert einstök og sérstök í þessum heimi
8.   Einhver sem þú þekkir ekki, elskar þig.
9.   Jafnvel þegar þú klúðrar málunum, verður eitthvað gott úr því.
10. Þegar þér finnst heimurinn hafa snúið í þig baki, líttu aftur á.
11. Mundu alltaf eftir hrósum sem þú færð. Gleymdu dónalegum hreitum. 

Já og mundu………þegar lífið afhendir þér Sítrónu /Lime, biddu þá um Tequila og salt!