Árný, sjáðu bara ;o)

Naut: Ef ástin stjórnar heiminum, þá veita peningarnir ánægjuna. Þú ert að uppgötva möguleika í sambandi við þá sem þú vissir ekki að þú hefðir. Það gefur þér tækifæri að eyða þeim skynsamlega.

Hvað varð um......

Dúu ??  Þið sem lásuð bloggið hennar, http://duasembloggarekki.blog.is getiði sagt mér hvað varð af henni ?  Allt í einu finnst ekki síðan og eitthvað vesen..........langar til að frétta af henni

Gullkorn frá Matthíasi

Hehehe það er svosem ekkert nýtt að það komi einhver gullmoli frá honum, hann er alveg einstaklega orðheppinn drengurinn

Við erum með ADSL sjónvarp frá Símanum og í þeim pakka eru 2 barnarásir, Cartoon Network og Disney Chanel.  Fleiri barnarásir eru ekki í boði fyrir okkur hérna fyrir norðan.  Pabbi hans er líka með ADSL sjónvarp en með fleiri rásum þar sem hann býr sunnar.  Þar á meðal er rás sem hann kallar Baby TV.........og er ofsalega hrifinn af henni.  Og meira að segja Viktor hefur stoppar við sjónvarpið að horfa á þetta, bjartir og skærir litir og einföld form fígúranna vekja hans athygli.  En allavegana, Matthíasi finnst þetta voðalega skemmtileg rás.  Í morgun þegar þau voru að horfa á barnaefnið hér heyri ég hann segja við Þorstein:

"Við hefðum átt að taka pabba fjarstýringu með, þá gæti ég horft á Baby TV !" 

Hahahahaha þetta minnir mig á annað gullkorn sem Þorsteinn átti rétt fyrir jólin 2001, þá 4 ára gamall.  Við bjuggum þá í Garðinum og fórum þarna með krakkana í bæjarferð, kíktum í Kringluna og Smáralindina og þau fóru í ævintýralandið og svoddan nokk.  Áttum mjög góðan dag sem við enduðum svo hjá afa long.  Þegar við vorum að leggja af stað heim eitthvað uppúr 8 um kvöldið fer Kristófer að kvarta undan því að hafa misst af barnatímanum í sjónvarpinu og var alls ekki sáttur.  Þorsteinn reddaði því í snarhasti með því að segja:

"Kristó, þetta er allt í lagi, við misstum ekkert af því, ég slökkti nefnilega á sjónvarpinu áður en við fórum " 

Kátt í kotinu.....

....já það er sko gleði á þessum bæ, guttarnir mínir komu heim í gær og Sunna og Kristó líka   Þau ætla að vera hjá mér yfir helgina, og eru búin að nota tímann vel í að heimasækja vini og gömlu bekkina sína.  Þau fóru í morgun í skólann og fengu að kíkja í heimsókn á krakkana, og um heádegið hringdi Sunna og spurði hvort hún mætti fara með einni vinkonu sinni heim til hennar, hún býr á sveitabæ hérna rétt hjá, og það var auðsótt.  Ég ætlaði svo að sækja hana eftir vinnu en þá var daman búin að hringja og fékk leyfi fyrir gistingu þar   Kristó var í góðu yfirlæti hjá Gutta þegar ég var búin að vinna, þannig að ég fór með Þorstein, Matthías og Viktor Óla í sveitina okkar.  Þar var fullt af fólki enda veitti ekki af, það er verið að slátra í hænsnahúsinu og skipta út púddunum.  Stoppuðum þar góða stund og komum svo heim þar sem Kristó beið okkar og við gæddum okkur á dýrindis kjötsúpu   Þorsteinn og Kristó hljóta núna að vera rétt ókomnir heim, þeir fóru á völlinn að horfa á Hvöt keppa á móti Skallagrími.

Það var auðvitað BILAÐ að gera í vinnunni í dag, hvítasunnuhelgin að ganga í garð og fullt af fólki á farandsfæti..........ekki myndi ég nenna því í þessu veðri sem er búið að vera.......eða jú kannski, maður myndi varla setja veðrið fyrir sig ef maður ætlaði sér að fara eitthvað, er það nokkuð ?

Svo í restina er hér ferlega skondin lýsing sem Goggi rakst á á heimasíðu Jeppa og sleðaklúbbsins 4x3 á flugi Vík í Mýrdal.  Þar er bílaskrá, þar sem eigendur farartækjanna setja inn lýsingu á bílnum sínum, fjölda hestafla og annað slíkt.  Jafnvel fylgir með mynd af tryllitækinu líka.  Þar var þessi mynd og eftirfarandi snilldarlýsing á farskjóta:

Eigandi:  Sigurður E Guðmundsson/Vilborg Smáradóttir.
Bílnúmer:  Örmerkið týndist í klifanda
Tegund:  Hestulus ótemjus
Árgerð:  "2003"
Hásingar:  Orginal
Fjöðrun:  Léleg
Aukahlutir:  GSM, GPS,  vasapeli með styrkjandi hræðslumeðali :)
Annað:
Dekkjastærð:  Sérsmíðar skaflaskeifur Nr 10
Drifhlutföll / Læsingar:  Alsjálfvirk tregðulæsing
Vél:  Vatnskældur grasmótor 1 hestafl



Hafið það eins gott og þið getið elskurnar, það ætla ég að gera um helgina

Ásta Lovísa

Hugsið hlýlega til hennar og fjölskyldu hennar, hún er orðin mjög veik

Bloggið hennar Ástu

Skyldi N1......

.....geta fjárfest í trukkatryggingu ??  Hvort sem það eru vörubílar eða lausir tengivagnar eins og hér á Blönduósi..........þetta er ótrúlegur fjandi !

Aftur ekið á skýli á bensínstöð

Hahaha kanakjáni

Þetta finnst mér bara fyndið, spurning hvort það hefði ekki verið ódýrara fyrir hann að fara í nektarnýlendu í USA heldur en að fara til Þýskalands og fá sekt fyrir að vera á sprellanum

Nakinn ferðamaður veldur uppnámi

Gullkorn .........

Ég efast um að Stenna mín skoði bloggið mitt nokkurn tímann en ef hún skyldi gera það þá vona ég að hún fyrirgefi mér að setja inn þetta gullkorn sem hún sagði okkur í vinnunni í gær, það hefur bara ekki horfið úr hausnum á mér
Stenna er ss. vinnufélagi minn, æðisleg kona á besta aldri

Þegar hún var um 17 ára gömul átti að fara að ferma yngri systur hennar.  Þær áttu bróður sem á þessum tíma var um 6 ára gamall.  Skömmu fyrir fermingu eru þær systur og mamma þeirra á kafi í fermingarundirbúningi, og guttinn heyrir talað um lítið annað en fermingu og kirkju og þess háttar.
Einn daginn kemur hann hlaupandi:

"Mamma, hvenær á aftur að kirkja Bobbu systir?"

Mér finnst þetta BARA æðislegt gullkorn, ekki skrítið að litlir guttar ruglist aðeins á svona orðum........væri eitthvað sem Matthías minn myndi gera hiklaust

Gott kaffi ?

Það töltu sér inn í Skálann fyrr í dag eldri hjón.  Maðurinn er á vappi í kringum kaffiaðstöðuna svolitla stund og er eitthvað að spekúlera.  Svo spyr hann hvort að kaffið sé gott og ég svara að ef ég drykki kaffi þá gæti ég örugglega svarað honum........en við höfum ekki fengið neinar kvartanir yfir því segi ég.  Hann heldur áfram að spekúlera og konan segir við hann:  Æji hættu þessu og fáðu þér bara !  Hallar sér svo að mér og segir að þau hafi nefnilega fengið svo vont kaffi í Varmahlíð......Þannig að ég geri samning við kallinn, hann myndi fá sér smá í könnuna og smakka og svo skyldum við sjá til.  Hann fær sér bolla, og fannst það ÆÐISLEGT !  Þannig að ég auðvitað bauð honum bara uppá bollann í boði hússins   Þau voru svo ánægð með þetta: "Það er ekki að spyrja með ykkur Húnvetningana"

Lofuðu svo hátíðlega að stoppa ekki aftur í Varmahlíð í kaffi heldur kíkja á okkur í almennilegt kaffi

Er þetta sumarið ??

Fojjj barasta, allt hvítt í fjöllunum í morgun og skítakuldi....og á víst að vera svona fram að helgi !  Ojjj !

Það lítur ekki vel út með að yngstu guttarnir mínir komi heim á morgun, Sunna og Kristó ætla að koma líka og vera um helgina, en útaf óliðlegheitum í skólanum þeirra er ekkert agalega bjart með að þau komi á morgun.  Þannig að þau verða líklegast ekki hérna fyrr en á föstudaginn

Sama finnst mér vera uppá teningnum hér.......Þorsteinn klárar sín próf á fimmtudaginn en næsta vika eru vordagar og engin kennsla !  Af hverju er ekki bara hægt að slíta skólanum þegar prófin eru búin og leyfa þessum krakkagreyjum að losna úr skólanum ?!  Hitti Röggu systur í dag og hún spurði mig hvort Þorsteinn myndi ekki vilja koma til hennar í sauðburð.......en hann þarf að hanga yfir vordögum í skólanum   Pirrelsið að drepa mig.

Hringdi símtal í dag sem var mér ekkert agalega auðvelt skref........fortíðardraugar sem þarf að gera upp til að hægt verði að eiga bjartari framtíð......fæ niðurstöður úr því síðar í vikunni.

Læt þessu lokið í bili, áður en ég fer að pirra mig meira yfir hlutum sem ég fæ engu ráðið um.

Hafið það gott öll sömul