Norðurljós.....

....og fullt tungl.  Var úti á svölum að anda að mér "fersku lofti" og sé þessi líka fallegu norðurljós.....og tunglið svo fullt að það var eins og það væri kveikt á útiljósi

Við kíktum í sveitina í dag, stoppuðum stutt að vísu þar sem Viktor Óli var orðinn svo hrikalega þreyttur.......enda vorum við ekki komin niður á malbikið aftur þegar hann var sofnaður.   Árný kíkti svo hérna í kvöld og baðaði minnsta maurinn á meðan ég nærði mig, og bjargaði svo Matthíasi uppúr hans baði því ég var með Viktor trítilóðan í fanginu, orðinn úrvinda af þreytu aftur en náði ekki að róa sig niður nóg til að sofna.  Hann er búinn að vera ferlega lítill í sér alla helgina, límdur á rassinn á mér eins og frímerki.  Einhvern veginn grunar mig að í fyrramálið verði sama seremónían á leikskólanum eins og á fimmtudag og föstudag.........hangið á hálsinum á mömmu og neitað að sleppa.  En hann er fljótur að jafna sig eftir að ég fer að vinna, sem betur fer.  Það er erfitt að labba í burtu og heyra hann gráta sárt á eftir manni
Nú er maður með tissue bréf á lofti alls staðar, drengurinn er kominn með hor í nös og slatta af því, það er greinilegt að veturinn er að koma.

Kveð ykkur í kútinn í bili..........þar til næst

Kjötbollur anyone ?

Jájá, húsfrúin var bara helv. dugleg í dag.  Steikti fjórfalda uppskrift af hakkbollum í frystinn og jú eitthvað sem fór í matinn í kvöld     Ferlega góðar og asnalega einfaldar hahaha
Hafði þó vit á því að gera bara eina uppskr. í einu, svona miðað við hamfarirnar þegar ég gerði þrefalda muffins uppskrift hérna fyrir nokkru og endaði á að handhræra allt draslið ! LOL

Viktor Óli er búinn að vera eitthvað sloj í dag, má varla af mér sjá þá fer allt í vitleysu.......enda tók bollutrallið mestan partinn úr deginum, með því að vera að fara og sinna honum inná milli.  En það var allt í lagi, bollurnar steiktust á endanum og eru komnar í maga og frysti

Það varð jafntefli í leiknum hjá Hvöt og Hugin á Seyðisfirði, 1-1.    Ég vil bara árétta það Árný og Vala, að ég var EKKERT abbó yfir að þið skylduð vera þarna en ekki ég......ekki hið minnsta !  En það er eins fallegt að ég fái myndir af flottum rössum í stuttbuxum á morgun hahaha

Kveð ykkur í kútinn í bili........þar til næst

Mig vantar pössun !!

Mig langar svoooooooo mikið að fara með Völu og Árnýju frænku í roadtrip á morgun.  Þær ætla að skella sér á leikinn á Seyðisfirði sem verður á laugardaginn og mig langar með
Og þar sem það er útileikur um helgina, þá verður heimaleikurinn kl. 7 á þriðjudagskvöldið og það er nær ómögulegt fyrir mig að fara með ormana þá, amk þann yngsta

***Update........eftir að hafa skoðað Hvatarsíðuna komst ég að því að leikurinn er kl. 17:30 á þriðjudeginum þannig að ég kemst á hann !!!  Vííííííííí

Ég hafði aldrei farið á leik fyrr en við fórum á Krókinn í sumar og þetta er bara alveg ágætis skemmtun.........öflugt stuðningslið heimaliðisins er toppurinn sko

Þannig að ég segi bara eins og Kári Kára........."'étt'ann, étt'ann, étt'ann !!!

Áfram HVÖT !!!!!

Miðvikudagur til mæðu ??

Nei ekki svo   Allt að komast í fastar skorður aftur eftir sumarfrí strákanna frá skóla/leikskóla.  Skólasetningin hjá Þorsteini var á mánudaginn og kennsla byrjaði í gær og Matthías og Viktor komnir á fullt skrið í leikskólanum.
Viktor Óli fór loksins í 12 mánaða skoðun í morgun, var vigtaður og lengdarmældur og er orðinn 11,9 kg og 77 cm !  Fékk sprautu líka og það gekk bara ferlega vel, ekkert vælt og ekki neitt
Hann labbar meðfram öllu eins og greifi og sleppir sér helling á milli fólks....er víst kominn á þvílíka fartið á leikskólanum
Annars er ferlega lítið að frétta þannig séð, kíktum á Krókinn á föstudaginn.  Oddný systir og hennar famelía voru að flytja þangað frá Höfn og auðvitað kíktum við á slotið, til hamingju með íbúðina elskurnar
Signý Björg var sérleg hjálparhella mín á laugardaginn, hún var hérna á meðan Árný fór í brúðkaup.  Hún var alveg meiriháttar með Viktor Óla, lék helling við hann og hafði endalausa þolinmæði, þetta stelpuskott er algjört yndi, takk fyrir okkur Signý, vonumst til að sjá þig fljótt aftur

Kveð ykkur í kútinn í bili........já og meðan ég man, þessi vog þarna úr síðustu færslu hefur ekki enn látið sjá sig hahaha

Stjörnurnar segja....

Naut: Þú ert hugrakkur. Farðu og biddu um heiðarlegt svar. Jafnvel þú sannleikurinn sé hræðilegur, þá er hann frelsandi. Í kvöld ertu skotinn í vog.

Þá er bara spurning um hvar ég finn þessa vog !!
Any ideas ??

Gaurarnir mínir....

.....komu heim í dag eftir 6 vikna sumarfrí hjá pabba sínum !!  Þvílíkt sem það var gott að fá þá heim, fá knúskreistinginn, kossana, slef á peysuna mína, mjólkurslettur á gólfið, rifrildi á milli eldri strákana, kvöldmatur, baða lítinn kropp, vesen að fá eldri guttana í rúmið.....þetta er bara toppurinn á tilverunni

Það voru sko fleiri en ég sem biðu eftir að fá þá heim, Vala rak inn nefið bara rétt til að tékka, fékk knús og kossa frá öllum gaurunum og labb frá Viktori Óla
Síðan komu Árný, Svanhildur og Signý og þar var sama sagan, bros og knús og kossar og Viktor Óli brilleraði á labbinu hérna fram og til baka á milli okkar, algjör snúlli

Svo verða þeir 2 yngri að fara á leikskólann á morgun, ég fer að vinna aftur á mánudaginn og þeir verða að fá að aðlagast aftur áður en ég fer að vinna.

Læt þetta duga í bili, ætla að fara í langþráðan rúnt á milli herbergja, laga sængur, slökkva ljós og taka bækur burt af andlitum.......og finna þessa yndislegu barnalykt í herberginu mínu aftur

Kaffiprófið, hvað ert þú ??

Samkvæmt kaffiprófinu er ég
Bankakaffi!
..sívinsælt og bráðnauðsynlegt.
Hvernig kaffi ert þú eiginlega?

 

Bankakaffi!

Þú ert harðduglegur og vinnusamur einstaklingur sem mætir fyrstur allra á kontórinn og ferð síðastur heim. Vinnufélagar þínir líta upp til þín og hugsa með sér í hljóði hvaðan þú fáir alla þessa orku.

Þeir vita ekki sem er. Þú færð nefnilega allan dugnaðinn úr bankakaffinu góða.

Bankakaffi er samheiti fyrir gamla góða uppáhellinginn en dregur nafn sitt af ókeypis kaffi í bönkum. VARÚÐ: Ef bankakaffi fær að standa á brúsanum of lengi verður það súrt.

Eyðsluklóin og lögskilnaður

Jamm og jæja, mér hefur tekist að róa eyðsluklónna mína aðeins með því að láta undan henni og versla ööööörlítið.  Alls ekki mikið og tel ég ekkert af því vera óþarfa.....já eða næstum því
Er búin að versla eitthvað af fötum á gaurana mína, fann buxur á Þorstein sem hanga upp um hann þannig að 3 pör af þeim takk, nokkrar peysur, Matthías fékk líka nokkrar buxur og peysu sem hann valdi sjálfur í dag, jú og skó líka, og svo fann ég fullt af fötum á Viktor Óla á Barnalandi........buxur og peysur í bunka, samfellur, sokkabuxur, náttföt, úlpur og þykkar peysur, húfur og vettlinga......og þrenna skó, og allt fyrir 5000 kall !!  Ekki slæm kaup það   Ég fór ein að flækjast í gær en var með Matthías með mér í dag og við áttum ferlega góðan dag.  Hann, ólíkt flestu karlkyns, hefur gaman af því að flækjast í búðir......ef við erum bara 2 ein.  Þannig að við gátum rápað aðeins og haft gaman.  Nærðum okkur á Subway, ferlega gott.
Kíktum svo í kaffi til Önnu frænku og lukum verslunarleiðangrinum í Bónus í Keflavík. 

Minn fyrrverandi eiginmaður hafði það loksins af í dag að fara til sýslumanns og skrifa undir skilnaðarpappírana þannig að frá og með deginum í dag erum við Gauðlaugur (já það stendur Gauðlaugur í pappírunum hahaha) skilin að lögum.  Þannig að það er kannski spurning hvort við séum í raun skilin......þar sem ég giftist Guðlaugi en skildi við Gauðlaug........spurning

Hafið það gott elskurnar

Sumarfrí

Jamm, haldiði að gellan sé ekki komin í nokkura daga sumarfrí !!  Var að vinna á laugardaginn, en nennti ómögulega að spæna suður eftir vinnu þá um kvöldið þannig að ég lagði af stað á sunnudagsmorguninn.  Synir mínir vissu ekki að ég væri á leiðinni, og svipurinn á þeim þegar ég birtist var bara yndislegur, sérstaklega hjá Viktori Óla......horfði fyrst á mig í smá stund og svo kom stærsta bros sem ég hef séð á honum yfir allt andlitið   Alveg yndislegt

Skellti mér svo í morgun hérna inn í Keflavík og lét flétta á mér hárið í svona afrófléttur......með hárlengingu.  Þannig að núna er skvísan með sítt hár, pínulitlar fléttur og heljarinnar hausverk hahaha   Enda ekkert skrítið, þetta eru smávegis átök fyrir hársvörðinn.

Síðan á að versla eitthvað áður en maður heldur heim á leið aftur, þarf fyrst og fremst að kaupa mér stöng fyrir sturtuhengið mitt !!  Hundleiðinlegt að komast ekki í sturtu standandi öðruvísi en að subba gólfið allt út !

Heyri í ykkur síðar ljúfurnar, adjö í bili

Nei fjandinn.....

....nú er það rautt !!  Já ekki svart þó svo það hafi svosem ekki munað miklu.......frúin sat á svölunum í sólinni í gær (þ.e.a.s. sunnudag) og las "Viltu vinna milljarð"........og kláraði doðrantinn.....og uppskar mikinn og eldrauðann lit á bringu og handleggi.  Andlitið var í stíl framan af degi en skánaði svo og varð fallega bleikt......en bringan....shit og boy sko, þetta er vont !
En það var alveg þess virði samt, veðrið var svooo æðislegt, og ég VARÐ að klára þessa frábæru bók, þið sem hafið ekki lesið hana, endilega drífa í því, hún er frábær

Eftir vinnu í dag kallaði sófinn aðeins á mig, bara pínu sko......og í staðinn er ég andvaka uppí rúmi og klukkan að verða hálf 2 !  Það er svosem í lagi, Josh Groban er hérna með mér að syngja fyrir mig, ekki slæmt að sofna útfrá svona karlmanni ha   Tja já eða röddinni sko hahaha

Merkilegur skratti samt......maður er umvafin fólki nánast allan daginn, en ég held að ég hafi aldrei verið eins einmanna á ævinni, eða eins eirðarlaus   Einhver sem kann lausn á því ?  Það er ekki gott að vera einmanna.................er orðin soldið þreytt á þessu

Hafið það gott darlíngs, heyri í ykkur síðar.........