Yard of Snowmen-vinnslumynd

Má maður ekki líka koma með mont myndir ?    Þegar ég spái í því, að ef ég hefði bara haldið mig að verki, þá væri þessi mynd búin !!  Stundum bara dettur maður úr gírnum....hún klárast víst alveg örugglega á endanum, bara 4 kallar eftir  

Myndin er tekin eftir 17 vikna vinnu........með nokkrum löngum hléum inná milli hahaha  

Hef alltaf tekið vinnslumyndir á föstudögum, og gert þá að WIP dögum.......WIP stendur fyrir "Work In Progress"

Ég var líka búin að segja við saumakonuna vinkonu mína að ég ætlaði ekki að taka heildarmynd fyrr en ég væri búin........en ég varð að taka yfirlitsmynd, eru þeir ekki mikil krútt ?!  

Þið kunnið á þetta, smellið á myndina til að stækka hana

ps. Mikið svaðalega fer það í pirrurnar á mér að greinabilin sem ég geri eða línubilin eða hvað þetta heitir, skal ALDREI birtast !!  Hvað veldur því ?!?!  Grrr....... 

Það væri fínt að geta, þó ekki væri nema einu sinni, að birta færslu eins og maður skrifaði hana, ekki þurfa að breyta henni með html kóða til að hún sjáist eins og hún á að vera !

Pirrrrrr.is !

Kæri skattmann

Astmi og bjór........

Jæja, fór með drenginn til doktors áðan......og það var sem mig grunaði, hann er kominn með astma uppúr kvefógeðinu   Hann er líka með vökva og roða í eyrunum og ljót surgandi hljóð í lungunum sem eiga að lagast með pústinu sem hann fékk og sýklalyfinu.  Hann (doktorinn sko) var samt ánægður með hvað hann var kátur inná milli hóstakasta.......það næstum útilokar RS-vírusinn.......einkennin sem Viktor er með eru mjög lík þeim einkennum en hann væri þá mikið slappari og daufari.  Held samt áfram að fylgjast vel með honum og rýk með hann aftur til doktors ef hann skánar ekki.

Og að öðru....í dag eru víst hva.....18 ár síðan bjórinn var leyfður á Íslandi.  Hvað skyldu Íslendingar vera búnir að svolgra mörgum tonnum af þessum eðalvökva í sig á þessum tíma ?  Ég er nú ekki agalega mikil bjórdrykkjumanneskja, eða bara drykkjumanneskja almennt, en af öllum þeim tegunudum sem eru í boði hér finnst mér Carlsberg bestur

Hvað með þig ??   

Dagur 2....

....í Moggasápunni ógurlegu og ég er ennþá á lífi !!  Tel það nú nokkuð gott miðað við plottin sem eru í gangi.....aldrei að vita hvenær maður verður skrifaður út fyrir tómann misskilning eða afbrýðissemi.......langt síðan svona díva eins og ég hefur sést á "hvíta skjánum"

Ágætis vinnudagur, staffafundur í dag með alveg svakalegri súkkulaðigúmmelaðiköku og helling af málefnum sem var tekið á. 

Viktor Óli átti ekkert alltof góðann dag í dag, var eitthvað lítill í sér eftir hádegið á stubbadeildinni, hóstaði alveg svakalega og það hefur ekkert skánað með deginum......verð að fara með hann til læknis á morgun, ég hef grun um að hann sé kominn með asma, hann hljómar þannig   

Fékk samt Gísla stóra frænda til að koma í kvöld og passa í örlitla stund, á meðan ég, Árný og M.Lena fórum á fatakynningu hjá Frú Stöðvarstýru.  Mátaði slatta og pantaði mér svo eitt stykki bol, ógó sætann

Ætla að láta þessu lokið í bili, er sybbin og með hausverk. 
Hafið það eins gott og þið mögulega getið elskurnar

Jiii dúddamía !!

Haldiði ekki að gellan ( þ.e.a.s. ég) sé komin með smávegis hlutverk í Moggasápunni hennar Gurríar !!  The blogg and the beautiful, BARA snilldarlesning   Nú er maður eins og argasti fíkill bara, situr hérna og bíður eftir næsta les-fixi   Takk fyrir mig Gurrí, þú ert frábær

Ég er frábær :o)))

....og ég er viss um að öllum í kringum mig finnst það líka hahaha  

Fór í vinnuna í morgun og mikið ofsalega var gott að komast í hana aftur......það var bara eins og maður hafi verið endalaust í burtu.  Enda ekki búin að fara útúr húsi (fyrir utan einstaka skúrferðir) síðan á þriðjudaginn sl.  
Ég er handviss um að vinnufélögum mínum hefur hundleiðst á meðan ég lá heima í flensu......það er að segja þeim sem voru ekki líka heima í flensu  
Ég amk tek helminginn ef ekki meira af kreditinu fyrir það að stöðvarstýran var komin í Pollyönnufílingin fyrir hádegi   Hehehe ég veit þú lest þetta stundum Frú Stöðvarstýra.......og trúðu mér, þetta gæti verið verra

Fór svo og sótti gullin mín á leikskólann.  Yngsti guttinn er svooooo útkeyrður eftir daginn, þrátt fyrir að taka sér 2 x langa lúra.....að hann er "rotaður" í bólinu sínu og hefur verið það síðan um 6 leytið í dag !  Hann hefur gert þetta síðan hann byrjaði á stubbadeildinni, sofnað svona úber snemma..........þannig að kvöldin mín hafa verið mikið róleg  
Netrúntaðist aðeins og settist svo í leisíbojinn minn og kláraði að sauma snjókarl númer 8 !!  Vúhú !!  Hann er loksins búinn !!  Þá eru ekki eftir nema 4 í þessari snjókallalengju minni   Kannski maður klári þetta fyrir áramótin...ha ?

Hafið það eins gott og mögulegt er elskurnar........ég ætla að fara og svífa inní draumalandið og vona að mig dreymi eitthvað fallegt

Vinur.....hvað er það ?

Þetta hefur svolítið verið að veltast um í hausnum á mér undanfarna daga......veit ekki einu sinni hvort hægt sé að koma því "á blað" þannig að skiljist, enda skiptir það litlu, þetta er bara raus í mér    

Á hvaða tímpunkti fer manneskja úr því að verða kunningi yfir í að verða vinur ? 
Og hvað er vinur ? 
Segir það eitthvað um mig að ég á fáa vini en fullt af kunningjum ? 
Viðurkenni það hiklaust, ég á ekki marga vini, en þeir sem eru vinir mínir eru góðir vinir og mér finnst að þá beri að velja af kostgæfni. 

Ég get treyst mínum vinum fyrir öllu án þess að fá í bakið síðar meir eitthvað af því sem þeim var treyst fyrir. 
Vinur minn á að þora að segja mér hreint út hvað honum/henni finnst, án þess að "sykra" það eitthvað, og ég á að geta tekið því eins og þroskuð manneskja. 
Ég vil geta leitað til vinar míns með hvað sem er, á hvaða tíma sem er (nánast). 
Og vinur minn veit að ég er alltaf til staðar fyrir hann/hana. 
Vinur minn veit líka að þó svo að við séum ekki í daglegu sambandi þá er ég er alltaf vinur. 

Ég fann mikið fyrir því í vetur hverja ég á að vinum, í kringum skilnaðinn.  Fékk þá í heimsókn reglulega og það var passað uppá mann án þess að það væri neinn átroðningur skiljiði. 
Sjónvarpskvöld með snakk og kók og fullt af nammi.......innlit í skúrinn (hreina loftið sko), komið í mat........bara verið til staðar þegar ég þurfti á því að halda. 
Og þeir sem voru ekki á svæðinu létu í sér heyra í síma/skype/msn/email. 
Hvað sem var..........ég vissi af þeim og það var nóg. 
Og einn vinur sérstaklega kom mér til að brosa aftur, takk luv 

Ég er verulega rík manneskja, ég á 4 heilbrigð börn, yndislega fjölskyldu og góða, sanna vini

Hvað er vinur fyrir ykkur ??

Helgaruppgjör og strákarnir

Helgaruppgjör já........ekki mikið til að gera upp svosem.  Flensan á undanhaldi á þessu heimili, bæði ég og Viktor Óli erum hitalaus en helv.....hóstinn vil ekki fara almennilega.  Það hlýtur að gerast á endanum samt   Vinna fyrir mig á morgun og leikskóli/skóli fyrir drengina mína.

Ég var að skoða heimasíðu leikskólans í dag og rakst þá á slatta af myndum af strákunum mínum sem og af öðrum börnum sem þar eru.  Síðan er stórskemmtilega sett upp, en slugsinn ég hef ekki verið nógu dugleg við að skoða hana, hef bara gleymt því   Þar á meðal fann ég þessar myndir af þeim þar sem einbeitningin lekur af þeim hehehe

Ekki veit ég alveg hvað hann Matthías minn var að hugsa svona mikið þegar þessi svipur kom á hann, hann er ss. þessi í bláa bolnum.  Og þetta er tekið í piparkökubakstrinum fyrir jólin.

Svo er það hann Viktor Óli, litli prinsinn minn, hann gerði sinn fyrsta bolluvönd núna fyrir bolludaginn....þær voru nokkrar myndirnar og hann var ekkert alveg sáttur þegar pensillinn var ekki í höndinni hans hehehe    Enda er einbeitningin alveg í botni

Gengið of langt ?

45 ára gömul kona fékk hjartaáfall og var flutt á sjúkrahús.  Þegar hún var á skurðarborðinu sá hún "ljósið"

Þegar hún sá Guð, spurði hún: " Er minn tími kominn?"

Guð svaraði: "Nei, þú átt ennþá eftir 43 ár, 2 mánuði og 8 daga ólifaða"

Á vöknun eftir aðgerðina ákvað konan að vera lengur á sjúkrahúsinu og láta gera á sér andlitslyftingu, fitusog, brjóstastækkun og svuntuaðgerð.  Hún meira að segja lét kalla eftir fólki til að lita á sér hárið og hvíta tennurnar.
Fyrst hún átti svona langt eftir ólifað var alveg eins gott að gera sem mest úr því.

Eftir síðustu aðgerðina var hún útskrifuð og mátti fara heim.   Þegar hún var að fara yfir götuna á leið heim, verður hún fyrir sjúkrabíl og deyr.

Þegar hún hitti Guð aftur varð hún fojj og hnussaði: "Ég hélt þú hefðir sagt að ég ætti rúmlega 43 ár eftir ólifuð.....af hverju vísaðiru mér ekki veginn frá sjúkrabílnum?!"

Guð svaraði: "Já en ég þekkti þig ekki.........  "

Ásta Lovísa

...þarf á öllum þeim bænum, góðum hugsunum og öllu öðru sem þið getið sent frá ykkur.   Ég vildi óska að ég hefði þó ekki nema brot af þeim styrk sem þessi unga kona býr yfir.  Stöndum saman og kveikjum á kertum kl. 20 í kvöld........vonum að ljósið finni hana

Bloggið hennar Ástu Lovísu.