Þetta er svakalegt

Þú sem einstaklingur tekur ákvörðun sjálf/ur um hvernig lífi þú lifir, þú hefur ekki rétt til að neyða þitt val uppá aðra, sérstaklega ekki hvítvoðung...............hvernig gátu þau gert þetta ??  Er ekkert í hausnum á svona fólki ?!?!

Par dæmt fyrir að drepa barn sitt úr næringarskorti

Kýstu rétt ?

Farðu á slóðina fyrir neðan og svaraðu spurningunum........sjáðu hvernig flokkaskiptingin verður

http://xhvad.bifrost.is/

Er'ða nú stjörnuspá !!

Naut: Það skiptir engu máli hversu lengir þú talar, fólk er ekki að hlusta. Kryddaðu sögurnar með dramatík og ýkjum og fólk leggur við hlustir. Því meiri ýkjusögur, því fleiri hlustendur!

Jahá !!  Það er aldeilis !

Óska eftir......

Á ekki einhver ykkar gamla Hókus Pókus stóla ?  Mig vantar 2 stykki, verða að líta vel út......þeas órifnir.............getur verið að það liggi í einhverri geymslunni og safni ryki ?

Endilega láta mig vita......dugleg að spyrjast fyrir

Muffins anyone ??

Fékk þá snilldarhugmynd í gær að baka muffins í dag, vígja bakaraeinkennin í fína ofninum sem er hérna.  Árný kom um hálf fjögur og ég skellti mér í búðina til að kaupa það sem uppá vantaði.  Þar sem sonum mínum finnst svona voðalega gott og mig grunaði að Goggi (já og Árný líka) myndu eitthvað smakka á þessu, þá ákvað ég að gerast stórtæk og gera þrefalda uppskrift.........EKKI sniðug hugmynd sko !  Amk ekki ef maður ætlar að koma öllu draslinu fyrir í hrærivélarskál af gamalli Kenwood Chef !  Þegar ég var búin að setja allt hráefnið í NEMA hveitið, þá var uþb <---------> svona hátt uppað brúninni.  Þannig að hveitið fór í skömmtum í dolluna og handhrært............ekki spennandi kostur, þannig að við verðum bara með minni græðgi við næsta bakstur
En annars smakkaðist þetta alveg meiriháttar vel, með ískaldri mjólk

Meistari Matthías átti alveg súper brilliant gullkorn á meðan ég var að baka.......hann var eins og grár köttur í kringum mig og spurði að hinu og þessu alveg hægri vinstri......og sumu oftar en einu sinni og eitthvað var þráðurinn orðinn í styttri kantinum hjá mér því ég svaraði honum eftir enn eitt "Af hverju........?"........"af því að ég sagði það!"
Hann verður ferlega sár og segir svo við mig með augun fljótandi í tárum:
"Mamma þú ert pirruð við mig"......ég sagðist ekkert vera pirruð við hann, en ég væri það stundum þegar hann væri að spyrja svona oft sömu spurninganna.  Þá segir hann:
"Mamma, ég verð sár í hjartanu þegar þú ert pirruð við mig"
Hann var svooooooo einlægur og þetta stakk, beint í

Hafið það gott í kvöld elskurnar

Meiriháttar dagur

Já hann er búinn að vera góður dagurinn í dag.  Var búin að ákveða verslunarferð á Akureyri og fékk þennan ljómandi fína félagsskap með, Árný frænka og Villi vinur okkar komu með mér og strákunum.  Villi kom hérna rúmlega 9 í morgun og men hvað Matthías tók á hann "show and tell"......teymdi hann á eftir sér útum allt hús og sýndi honum hina ýmsu hluti.
Fórum svo uppí sveit og sóttum Árnýju og svo var laggt í hann.  Fyrsta stopp eftir komu á Akureyri var Greifinn, nauðsynlegt stopp öðru hvoru.  Ég fékk mér ÆÐISLEGAR grillaðar nautalundir með alles, Villi fékk sér lambalundir og Árný kjúklinga fajitas....já eða fahítas   Strákarnir voru ekki alveg á því að borða eitthvað svoleiðis og fengu sér pizzu og hamborgara.  Viktor Óli fékk sér rbauð af salatbarnum og bakaða kartöflu
Svo fórum við í Rúmfatalagerinn, tókst að spreða öööörlitlum pening þar, keypti bókahillur, litla kommóðu, gardínur fyrir strákana og eitthvað fleira smálegt.  Svo var Hagkaup og fjárfest í nýjum stígvélum fyrir Þorstein, en sundskýlan sem ég ætlaði að kaupa líka var ekki til í hans númeri
Hættum við að fara í Bónus vegna mannmergðar þar og keyrðum heim.
Þau komu svo aftur eftir kvöldmat og við settumst niður og spiluðum Hættuspilið, BARA gaman.  Villi vann það með glæsibrag á meðan ég sat í drykkju í svarta hringnum

Þetta er örugglega komið til að vera, svona spilakvöld, bara snilld og alveg meiriháttar skemmtilegt

Takk kærlega fyrir mig elskurnar

Reynslusaga af vaxi

Ég fékk þessa snilldar sögu senda í email í dag og bara varð að deila henni, allt munnbrúk sem fyrirfinnst í þessari frásögn er ekki á mína ábyrgð

Ég raka venjulegast á mér lappirnar því ég er bara of nísk til að fara reglulega í vax til að ráða við þennan frumskóg á löppunum á mér. Síðan fór ég í Hagkaup um helgina og sá eitthvað rosalega sniðugt vax, auðvelt í notkun, sársaukalaust og það besta að maður á að vera laus við hárin í 4-5 vikur..... og það var á tilboði! Þannig að ég skellti mér á það.

Síðan svæfði ég börnin og fór síðan inn á bað til að byrja hreingerninguna, ætlunin var nefnilega að koma kallinum á óvart þegar hann kæmi heim úr ferðalaginu seinna um kvöldið. Ég tók vaxið upp úr kassanum, þetta var svona kaldir vaxrenningar sem átti að nudda á milli handanna til að hita áður en þeir væru settir á hárugu svæðin. Ég byrjaði að nudda renningana en sá fram á að það myndi taka alltof langan tíma og fékk því snilldarhugmynd. Ég lagði þá bara á borðið við hliðina á vaskinum, náði í hárblásarann, setti hann í botn og var nákvæmlega enga stund að hita þá.
Síðan setti ég þá á leggina á mér og....... þetta var.... heitt og alls ekki sársaukalaust!

En ég viðurkenni þó að ég átti von á meiri sársauka, kona sem hefur gengist undir tvennar deyfilausar fæðingar og rúmlega 30 spor í hvort sinn, þolir nú alveg að 100+ hár séu rifin upp með rótum með einum vaxstrimli. Þannig að ég hélt áfram, kláraði lappirnar og eina rauðvínsflösku í leiðinni.

Þá fékk ég aðra brilljant hugmynd, ákvað að koma kallinum virkilega á óvart og leyfa honum að kíkja á eina sköllótta, það myndi án efa leiða til ýmissa skemmtilegra "æfinga". Þannig að ég athugaði með börnin, þau voru enn sofandi, náði mér í aðra rauðvínsflösku, hitaði vaxrenning, setti annan fótinn upp á klósettið og skellti renningnum í klofið..... og reif af. Ó MÆ GOD!!! Ó JESÚS KRISTUR!!! ÉG SÉ EKKERT, ÉG ER BLIND, ÞVÍLÍKUR SÁRSAUKI!!! Ég var blinduð af sársauka, sló niður hárblásarann og rauðvínsflöskuna áður en ég náði andanum aftur. Ég hélt ég hefði gelt sjálfa mig með því að rífa af mér hálfa píkuna! Ég þakkaði allavega fyrir að miðað við sársaukann þá gat ekki verið eitt stingandi strá eftir.

Ég leit á vaxrenninginn. FUCK! FUCK, SHIT, FUCK! Hann. var. tómur. Ekki eitt einasta hár á renningnum.... og ekki neitt vax heldur! HVAR VAR VAXIÐ??? Ég leit hægt niður, hrædd við sjónina sem beið mín..... allt vaxið af renningnum var í klofinu á mér. Ég leit til himins. WHY? Og gjörsamlega miður tók fótinn niður af klósettinu! Mistök! ÞVÍLÍK MISTÖK!
Ég gjörsamlega heyrði píkuna og rasskinnarnar límast saman!

Ég gekk um baðherbergisgólfið algjörlega miður mín og hugsaði hvað til bragðs skyldi taka. Hvernig get ég losnað við vaxið. Ég prófaði að toga það af með puttunum. Ekki góð hugmynd. Ég yrði að láta það leysast upp, bræða það á einhvern máta. Hvað bræðir vax? Mér varð litið á hárblásarann en hvarf strax frá þeirri hugmynd þar sem mig langaði ekki til að útskýra brunasárin á brunadeildinni niður á Borgarspítala. Vatn! Vatn bræðir vax.
Ég lét vatn renna í baðið, svo heitt að Saddam Hussein hefði kosið að nota það til að pynda óvini sína, ég aftur á móti dró andann djúpt, gekkst undir pyntingar sjálfviljug og settist í baðkarið.

Ég komst að nokkru sem ég hafði ekki vitað áður. Vatn bræðir ekki vax!
Neibb, 60 gráðu heitt vatn bræðir ekki vax, aftur á móti var ég nú límd föst við baðbotninn! Heilinn fór í óverdræv, hvernig gat ég bjargað mér úr þessari klípu? Eftir ýmsar tilraunir sem allar mislukkuðust, náði ég í Lady rakvélina mína og ákvað að skafa vaxið af! Ef ykkur langar til að vita hvernig það var legg ég til að þið rakið ykkur með ársgamalli vel notaðri rakvél, notið ekki vatn né nokkurs konar sápu. Þá komist þið nálægt því!

Ég var að reyna að skafa vaxið af þegar ég kom loksins auga á bjargvættinn minn. Hallelújah, Praise the Lord. Það fylgdi nefnilega með í pakkanum svona vax remover. Ég hafði bara ekki tekið eftir því fyrr. Ég flýtti mér að ná í bómull, hella slatta í og nudda yfir vaxið. ÁÁÁÁÁÁÁÁÁÁÁ! Klofið á mér brann! Það var eins og ég hefði hellt yfir það bensíni og kveikt í! En mér var sama því helvítis draslið virkaði. Því þoldi ég sársauka sem yfirgnæfði allan þann sársauka sem ég hafði upplifað við fæðingarnar og gerði mig 150% tilbúna í 10 fæðingar í viðbót.

Þegar ég var búin að hreinsa allt vaxið af skoðaði ég djásnið. Þrátt fyrir öll ósköpin hafði ekki eitt einasta hár horfið! Ekki eitt einasta!!!

Þegar maðurinn kom heim var ég búin að víggirða minn helming af rúminu.....

Blogg time ?

Hæ fólk

Hvað er títt ?  Héðan að norðan er bara allt ljómandi að frétta, sólin búin að skína á okkur undanfarna daga, sérstaklega þó í dag, BARA heitt og gott

Maður komst að því við illan leik í gær, hvað maður er ofsalega háður vatni.  Alltof mikið af dóti sem maður notar dagsdaglega sem er tengt vatni á einn eða annan hátt án þess að maður pæli nokkuð í því. 
Í fyrrinótt bilaði dælan sem dælir vatninu í áveitubrunn fyrir okkur hérna á Blönduósi.  Það varð til þess að brunnurinn tæmdist og úbbosí !  Ég, ásamt fleirum, höfðum ekki hugmynd um þetta þegar ég mætti í vinnu kl. 8.  Gerði það sem ég er vön, fór að smyrja í brauðbarinn og sollis nokk, en svo þegar kom að því að kæla eggin í smurbrauðið var kalda vatnið farið að renna ansi hægt.......og síðan bara alls ekkert !
Stöðvarstýran náði um 9 leytið samband við þá hjá bænum sem sögðu henni hvað var í gangi og að viðgerð stæði yfir en mætti búast við að þetta yrði svona fram eftir degi.
Ss. á föstudegi var staðan svona:  Grillið var lokað.........uppþvottavélin virkaði að sjálfsögðu ekki, ísvélin er háð vatni og virkaði því ekki, gosvélin sömuleiðis.  Kaffivélin er tengd beint í vatn þannig að það var keypt heimiliskaffivél og vatn á brúsum til að það væri hægt að hella uppá.  Það sem verst var að klósettin voru óvirk.  En merkilegt nokk hvað fólk tók þessu samt vel, ekkert sem við gátum gert í þessu svosem, það sátu allir hér við sama borðið.  Sumir þurftu bara að breyta útaf vananum og fá sér pylsu og kók í staðinn fyrir heita matinn og vatn
Þegar ég var búin að vinna var þetta komið í lag.......og krafturinn að komast í lag

Í dag voru 2 eldri guttarnir mínir hrikalega mikið úti, Þorsteinn tók það að sér að kenna Matthíasi að hjóla án hjálpardekkja.  Hann fékk nefnilega gefins hjól um daginn sem er ekki með svoleiðis hjálpartækjum á, og hann er ákveðinn í að taka það með sér á næsta hjóladag í leikskólanum og þá er nú eins gott að kunna að hjóla á því
Það var alveg frábært að fylgjast með þeim, fyrst hélt Þorsteinn í hnakkinn og stýrið og teymdi hann um.  Síðan var það tekið á ferðinni, hlaupið af stað og Matthíasi svo ýtt og hann á pedulunum á milljón.......þangað til hann datt hehehe   Þeir voru á túninu hérna fyrir aftan þannig að fallið varð mjúkt og hann hló og hló og fannst þetta ferlega gaman.  Svona gekk þetta heillengi, og Matthíasi gengur betur og betur að hjóla......samt lítið í einu óstuddur

Kíktum svo aðeins í sveitina á Önnu, Óla og þeirra fylgifiska, og á Árnýju að sjálfsögðu.  Anna og co. komin norður í fermingu Svanhildar frænku sem verður á morgun.
Það verður gaman að hitta alla þá

Ætla að láta þessu lokið í bili.............sjáumst síðar, þar til næst................adjö

Ps. Yngsta eintakið varð 9 mánaða í dag, tók þessa mynd í tilefni dagsins, og Þorsteinn tók myndina af mér með bræðrum sínum, ofsalega fín mynd hjá honum

Flottir gaurar

Já þetta eru flottir strákar sem ég á


Þegar við Viktor komum fram i morgun voru hinir eldri búnir að útbúa þessa snilldar flatsæng fyrir framan sjónvarpið og voru að horfa á barnatímann.  Þannig að Viktor fékk að skella sér á milli og hinum fannst það sko ekki leiðinlegt, geta knúsast í litla bró alveg á milljón

Vala og Gummi komu færandi hendi í dag, komu með hillur í Þorsteins herbergi og kassa með "gömlu" dóti sem börnin þeirra eru vaxin uppúr.  Uppúr öðrum kassanum sá ég glitta í svona gamallt lítið píanó.....eða skemmtara, hvað sem þetta kallaðist.  Með nokkrum melódíum forrituðum í og nokkrar mismundandi tóna........ég horfði á þetta og vonandi að kvikindið væri batteríslaust.  En nei, Matthías sá þetta líka og þetta var sko EKKI batteríslaust !  Hann kveikir á þessu og glamrar á þetta góða stund......finnur svo takkann með þessum melódíum og útúr þessu dóti hljómuðu jólalög !  Þá segir strákurinn ferlega montinn:  Mamma, nú þarftu ekkert að hlusta á útarpið meira, ég bara spila fyrir þig !!



Viktor Óli leit svona út á þriðjudaginn sl.  Með þennan lubba sem aldrei vildi leggjast niður......alltaf stóð hárið uppí loft eins og á lukkutrölli !  Bara flottur sko, en af því að hann er svo heitfengur þá svitnaði hann agalega mikið á höfðinu, þannig að ég ákvað að raka þetta af !  Hann var líka kominn með ágætis skallablett í hnakkann sem var farið að vaxa nýtt hár á, þannig að núna var tíminn.

Eftir ágætis byrjun og smá sorg í restina, og með hjálp frá Árnýju frænku tókst okkur að raka hárið af.  Og hann er svooooo mikill töffari svona   BARA krútt

Það verður gaman að sjá hvort nýja hárið komi til með að standa bara uppí loftið endalaust

Læt þessu lokið í bili darlíngs.......smúts á línuna

Ps. Ef þú smellir á myndirnar þá sérðu þær stærri

Sumarið komið ?

Það er það amk á dagatalinu en ég get ekki sagt að það sé sumarlegt um að litast hérna, skítakuldi og rok

Guttarnir komnir heim og dagleg rútína komin í fastar skorður, leikskóli/skóli/vinna.

Fór á Krókinn á miðvikudaginn, mamma átti afmæli og við kíktum í afmæliskaffi.  Það var alveg ágætis, hittum slatta af skyldfólki sem við höfum ekki séð lengi.

Lukkutröllahárið á Viktori Óla fékk að fjúka á þriðjudaginn.......núna er hann lítill skallapoppari

Annars er voðalega lítið að frétta, same old, same old.  Leiðist óskaplega eitthvað þessa dagana, eirðarleysi frá helvíti í gangi.

Heyri í ykkur síðar, þar til næst, takk og bless.