Lífsmark.....

Já sko mína, loksins að maður drullast til að skrifa eitthvað hérna.......sögur af andláti mínu í bloggheimum eru stórlega ýktar

 

Skólinn var settur hérna fyrir viku síðan !!  Sökum anna í vinnunni komst ég ekki með strákunum á skólasetninguna, en Amma Halla var svo yndisleg að fara með þeim og vera aðallega Matthíasi til halds og trausts (þúsund þakkir frænka).  Litli snúðurinn minn er ss settur á skólabekk !!
Ef hann hefði getað sprungið úr spenningi.....þá hefði hann gert það
Þetta hefur gengið ágætlega finnst honum, það er mjög vel fylgst með því að kerlingin (lesist ég) smyrji nú örugglega nestið fyrir skólann.  Uppúr hádegi á sunnudaginn var hann að minna mig á að smyrja nú nestið hans, hann væri nefnilega að fara í skólann daginn eftir

Það er ferlega skrítið að horfa á eftir honum, með skólatösku á bakinu, lalla í skólann.......hann er "my baby"   

 

 

 

Linda Kristín var hérna í mánuð núna seinnipart sumars.  Hún var ákveðin í að læra að sauma, eða sko að ég myndi láta hana fá eitthvað til að sauma.  Hún sagðist nú kunna þetta alveg síðan úr skólanum.  Hún fann sér mynd, ég hafði fengið útsaumað kort í afmælisgjöf og hún vildi sauma eftir því.  Þannig að ég fann fyrir hana efni og garn og hún sat með kortið fyrir framan sig og saumaði eftir því......hún breytti myndinni aðeins og hafði hana alveg eins og hún vildi hafa hana, og ég var ekkert smá stolt af henni með útkomuna, mér finnst þetta stórglæsilegt hjá henni

 

Ég hrökk líka í saumagírinn......saumaði í skópörunum sem ég er að gera fyrir Oddný og Jökul, en ég stóðst ekki mátið og skaut þessari mynd inná milli.

Ég gaf vinnufélaga mínum þetta og manninum hennar, yndisleg hjón frá Póllandi.  Þau hafa átt mjög erfitt síðan að hún missti......komin næstum 20 vikur

Þannig að ég saumaði þessa mynd og gaf þeim, og fékk vinkonu hennar til að hjálpa mér að gera textann á pólsku, þetta þýðir eitthvað á þessa leið: "Þú verður ávallt í hjörtum okkar litli engill"   Þau voru svo ánægð með hana og það gaf mér svo mikið.....og ég gaf henni loforð að þegar að þau myndu eignast barn saman, hvenær sem það yrði, þá skyldi hún fá aðra mynd, en ekki engil   

 Ég tók ákvörðun í dag......sem getur breytt heilmiklu fyir mig og börnin mín.......en er ekki tilbúin að segja hvað það er.  Að hafa tekið ákvörðunina er nóg í bili, ég vona bara að niðurstaðan verði okkur í hag

Bið að heilsa ykkur í bili.........þar til næst

Ps. Þið getið smellt á allar myndirnar til að stækka þær.

Þú veist að það er 2008 ef.....

1. Þú ferð í Party og byrjar að taka myndir fyrir bloggið þitt.



2. Þú hefur ekki spilað kapal með alvöru spilastokk í nokkur ár.



3. Ástæðan fyrir því að þú ert ekki í sambandi við suma vini þína er af því
þeir eru ekki að blogga, ekki á MySpace og eða á Facebook .



4. Þú leitar frekar um alla íbúð af fjarstýringunni í stað þess að ýta bara
á takkann á sjónvarpinu.



6. Kvöldstundir þínar snúast um að setjast niður fyrir framan tölvuna.



7. Þú lest þennan lista kinkandi kolli og brosandi.



8. Þú hugsar um hvað það er mikil vitleysa að lesa þennan lista.



9. Þú ert of upptekin/nn að taka eftir  númer fimm.



10. Þú virkilega skrollaðir tilbaka til að athuga hvort þar væri númer fimm.



11. Svo hlærðu af heimsku þinni.



12. Sendu þetta á vini þina, settu þetta á bloggið þitt eða komdu þessu á framfæri einhverstaðar EF þú félst fyrir þessu... 
Aha ekkert svona fyrst að þú féllst fyrir þessu.


Sendu þetta á vini þina, á bloggið þitt eða komdu þessu á framfæri
einhverstaðar innan 2 mínútna og 14 sek eða minna og morgundagurinn þinn
verður besti dagur sem þú hefur upplifað .. hingað til!

En, ef þú bíður of lengi,
mun það ekki skipta neina því hverjum er ekki sama um svona lista ... En
vinir þínar munu missa af frábæri skemmtun

Duglegi strákurinn minn !! :o)))

Ég hef verið að prófa undanfarið að setja Viktor Óla á klósettið þegar hann fer í bað.....en hann hefur ekki verið hrifinn af því, eiginlega engann veginn bara.

Í gærkvöldi prófuðum við einu sinni enn.....og viti menn !!  Hann sprændi þessa líka fínu bunu !  Og hann varð svooo montinn og uppveðraður af þessu að það var alveg frábært

Í dag er ég búin að fara með hann 3svar sinnum á klósettið og í hvert sinn kemur buna....hann er farinn að horfa niður og bíða eftir bununni.......og alltaf jafn spenntur

Ég er ekkert smá montin af honum

Magnaðir endurfundir....

Ég er ekki viss um að ég hefði treyst því að verða ekki hreinlega étin......en mikið helv. er þetta magnað samt........ég er svo mikill auli að ég sat hérna með augun full af tárum
Eiginlega nauðsyn að hafa hljóð líka

2 ár síðan...

...að þessi mynd var tekin á FSA.  Hann fæddist kl. 19:04 á föstudegi, hann var 15 merkur við fæðingu og 51 cm.  Hann fékk strax við fæðingu nafnið Viktor Óli.

Á myndinni er hann ca. 2ja klst gamall í fanginu á Sollu "pabba"......(Solla var viðstödd og klippti á strenginn)

Myndin til hægri var tekin þegar hann var rétt 11 mánaða.  Hann var hjá pabba sínum á 1 árs afmælinu og þessi var tekin rétt áður en þeir fóru þangað í sumarfrí.  BARA krúttböggull


Síðasta myndin er tekin núna í morgun, litli gaurinn minn er orðinn 2ja ára gamall !!  Tíminn er hrikalega fljótur að líða, það er skuggalegt......maður blikkar augunum og missir af einhverju merkilegu í þroska barnsins.

Ætla að láta þessu lokið í bili, við þurfum að baka köku í tilefni dagsins

TIL HAMINGJU MEÐ AFMÆLIÐ ÞITT VIKTOR ÓLI !!! 

Sollan mín......

....var eitthvað að kvarta undan því að ég væri lélegri bloggari en hún og þá væri nú mikið sagt ! 
Ég tek það fúslega á mig Sollan mín.......hef ekki verið í bloggfíling ef svo má segja

Eitt og annað hefur svosem gerst undanfarið......pabbi kallinn var hérna á landinu í dágóðann tíma.  Hann kíkti norður nokkrum sinnum og við hittumst í bænum líka.   Hann steig skref hérna á skerinu sem ég er svo ógurlega stolt af honum með að það hálfa væri hellingur
Árnýin og Sollan eru báðar komnar á fertugsaldurinn og var haldið uppá það með pompi og pragt á afmælisdaginn hennar Sollu, 31. maí sl.  Ferlega gaman........ofsalega góð bolla í boði, ískaldur breezer og frábær félagsskapur, takk fyrir mig elskurnar   Skelltum okkur nokkrar á sjómannadagsball á Skagaströnd og skemmtum okkur konunglega

Strákarnir fóru fyrir 12 dögum síðan til pabba síns í sumarfrí og koma ekki heim aftur fyrr en um miðjan júlí !!   Það er hrikalega tómlegt í kotinu án þeirra.......þannig að maður hellir sér bara í vinnu á meðan.  Var að vinna á balli sl. helgi og tek einhverja aukavaktir í Skálanum á næstunni.

Bíladagar á Akureyri um næstu helgi þannig að það verður nóg að gera hjá okkur, og svo Smábæjarleikarnir þarnæstu helgi........ennþá meira að gera þá.

Ætla að láta þessu lokið í bili, býst ekki við að vera agalega virk hérna á næstunni, það verður nóg annað að gera

Veriði góð við hvert annað og njótið þess að vera til.........það ætla ég að gera

Yfir & Út !

Strákaföt óskast

Hæ

Nú eru gaurarnir mínir að spretta uppúr öllum flíkum.......og mig vantar svo á Viktor Óla buxur í stærð 86-92 (þó meira af 86 í bili) og úlpu í sömu stærð.

Matthías vantar líka úlpu í stærð 116.

Ef þið lumið á einhverju, eða vitið um einhvern sem á eitthvað af fötum sem þið viljið selja mér.........látið mig þá endilega vita

Fyrirfram þakkir

Í lok afmælisdags

 

Ég og Brói minn, samstarfsfélagi úr vinnunni, fögnuðum sameiginlegu aldarafmæli í dag og buðum uppá þessa hrikalega fallegu og ennþá bragðbetri kökutertu

Kærar þakkir til allra sem sendu mér sms eða hringdu, og létu sjá sig.......Stennan mín, Anna Kr., Brói.......takk kærlega fyrir mig
Og Árnýin mín og Sollan, takk fyrir knúsið og yndisfagran söng snemma að morgni
Odda sys, ég er með sönnun inná talhólfinu fyrir sönghæfileikum þínum góða mín

Takk fyrir mig

Bæjar

Hæ fólk

 

Mig vantar smá hjálp, vitiði slóðir á einhverjar svona bæjarsíður....svona í anda www.huni.is og www.skagafjordur.com ?  Allt vel þegið :) 

Bwahahaha

Var að skoða leikskólavefinn og fann þessa FRÁBÆRU mynd af Viktori Óla.......þetta er svona ekta til að sýna kærustunum þegar hann verður eldri
Krúttköggull