Bökunardagur........

.....og annar sunnudagur í aðventu  

Þegar við Matthías og Viktor komum framúr í morgun (frekar seint) þá var miði hérna sem Þorsteinn hafði skilið eftir....."Er farinn til Óskars"  Það er aldeilis að honum lá á.........hann á soldið erfitt með að skilja stundum að þó hann sofi ekki lengi þá er ekki þar með sagt að aðrir geri það ekki, sérstaklega um helgar   Ég tók til allt sem mig vantaði í bakstur og pakkaði því í balann minn, og beið svo eftir að klukkan færi að skríða í 1.......búðin opnar ekki fyrr en þá og ég sauðurinn gleymdi bökunarpappírnum á kassaborðinu þegar ég fór að versla í gær.  Jú og gleymdi að kaupa rúsínur   Eftir að vera búin að redda þessu, þá brunuðum við yngri guttarnir í sveitina þar sem við ætluðum að baka með hjálp frá Árný.  Baksturinn gekk glimrandi vel, sérlegar þakkir til Árnýjar fyrir hjálpina og til Gísla og Svanhildar, ásamt Matthías og Viktori fyrir að vera sjálfskipaðir smakkarar

Það var ágætt, engin af sortunum fékk falleinkun hehehe   Bökuðum 6 sortir takk fyrir !!  Þannig að nú er sko nóg af smákökum í húsinu (í bili)  Kom við hjá Sollu á leið heim til að gefa henni smakk af einni sortinni og komst að því að ég þarf að baka eina sort enn...........geri það síðar í vikunni

Ætla að láta þetta duga í bili.............þar til næst

Athugasemdir

[Solla, 9.12.2007 kl. 21:17]

Túkallar klikka ekki. Lærði það af fólki er kennt er við Efri mýrar

[Árný Sesselja, 10.12.2007 kl. 14:32]

nei þeir sko klikka ekki... vara þeir sig verða sem baka þá í fyrsta sinn að gera þá ekki að hundraðköllum

EN annars verði þér að góðu Gerðan mín

[Kristín Katla Árnadóttir, 10.12.2007 kl. 14:43]

Jahjarna 6 sortir það er ekkert smá hafðu það gott Gerða mín.

[Hugarfluga, 10.12.2007 kl. 19:36]

Ji, myndarskapurinn í þér kona! Ég er svo húsleg að ég keypti tilbúið deig sem ég sker í 4 mm sneiðar og set í ofn og "baka" svo líka bakaríissmákökur.