Skítakuldi er þetta !!

Vonda vonda veðrið sem lemur gluggana að utan.......og hleypir nístingskulda inn um allar rifur og smugur  

Er að berjast við Matthías þessa daga um að sofa í rúminu sínu alla nóttina.  Hann vaknar alltaf og kemur inn í mitt herbergi og vekur með því Viktor Óla.  Bjó til dagatal með umbunarkerfi sem hann var voðalega spenntur fyrir.  Ef hann fengi 3 broskalla, eða í þessu tilviki 3 jólasveina, á einni viku, þá fengi hann verðlaun.  Honum fannst þetta ferlega spennandi.  Fyrstu nóttina sagðist hann ekki vera tilbúinn, hann ætlaði að reyna þetta næst.  Sl. nótt gekk ekkert, honum var alveg sama um verðlaunin og var slétt sama þótt við tækjum bara dagatalið niður og hentum því.  Ákvað samt að reyna aftur og við sjáum til......ég er samt pottþétt á því að hann kemur uppí í nótt líka
Ekki það, stundum getur það verið ferlega notalegt að hafa hann þarna og kúra......en ég var búin að venja hann af þessu.  Og alltaf skal Viktor Óli vakna við umganginn þannig að minn nætursvefn er orðinn langsundurslitinn (er það orð?)

Sá Þorstein voðalega lítið um helgina, hann fór að leika við Óskar í gærdag og kom heim rétt fyrir kvöldmat í dag   Þeir eru voðalega góðir saman, voru að horfa á einhverja mynd í gærkvöldi og hann fékk leyfi til að gista.  Kom svo í dag aðeins og sagði að þeir hefðu verið að vinna með Heiðari, pabba hans Óskars.......hjálpa í hesthúsunum og sitthvað fleira.......fannst það sko ekki leiðinlegt

Viktor Óli blómstrar eins og ávallt.......drengurinn er að taka 4 jaxla takk fyrir !!  Borðar vel og er stríðnispúki hinn mesti.  Hann hefur yndislegann smitandi hlátur og svo mjúkar kinnar sem vilja fá marga marga kossa oft á dag  

Þetta er svona það helsta sem er að frétta á Húnabrautinni í dag......húsfrúin hefur það svosem fínt

Ætla að fara að koma mér í bælið, hjúfra mig í holuna mína með sængina góðu og nýju bókina hans Arnalds sem ég fékk lánaða

Hafið það gott elskurnar

Athugasemdir

[Rannveig Lena Gísladóttir, 25.11.2007 kl. 23:11]

Í okkar Antons tilfelli þá var það eina sem virkaði var að fara með hann strax til baka í hvert einasta skipti sem hann kom uppí.  Alltaf beinustu leið til baka.  Hann lærði það reyndar fljótt að það voru mestar líkur á því að þetta myndi gleymast hjá okkur ef að hann skreið uppí hjá pabba sínum.

En með þolinmæði hafðist þetta að lokum.  Drengurinn hætti þessu og kemur núna ekki nema að hann vakni af vondum draumi.  Þá kemur hann stundum og biður um að fá að kúra aðeins.  Lúrir hjá manni í 15-30 mín oftast og fer svo aftur í sitt rúm

[Gerða Kristjáns, 25.11.2007 kl. 23:15]

Hann nefnilega er hættur að skríða uppí, hann gerði það fyrst og ég jafnvel vaknaði ekkert við hann fyrr en ég rakst á hann bókstaflega

Núna opnar hann og kallar til mín, svona hvíslukalli, og hann sofnar ekkert aftur einn í sínu herbergi, finnur endalausar ástæður til að koma aftur og aftur og aftur......

[Anna Gísladóttir, 26.11.2007 kl. 04:51]

Þetta er erftitt .... ég veit og tala af reynslu í þessum "skríðauppímálum"
Hang in there ..... þetta hefst á endanum .......

[Kristín Katla Árnadóttir, 27.11.2007 kl. 21:35]