Mér hefur misheppnast hrapalega...

....einhvers staðar í uppeldi elsta sonar míns.  Það virðist vera sama hvað er gert eða hvernig hlutirnir eru framkvæmdir, hann ber ekki virðingu fyrir neinu sem er gert eða sagt við hann
Útivistartímar.....til hvers ??  Hann kemur of seint heim.  Taka til eftir sig......til hvers ??  Ég hef víst ekkert annað að gera en að ganga á eftir honum og ganga frá eftir hann.  Fara eftir reglum sem eru settar.........til hvers ??  Fari það í heitasta bara
Ég gat talið á fingrum annarar handar hérna um daginn hversu oft hann kom á réttum tíma heim í kvöldmat.......á endanum sagði ég við hann að ef þetta kæmi fyrir aftur, þá hlyti það að þýða að hann væri bara alls ekkert svangur og þyrfti þá væntanlega engann kvöldmat.  Hann kom heim kl. ½ 8 í kvöld   Þá var ég búin að ganga frá eftir matinn og var að klára að vaska upp.
Hann er í 5. bekk, og ég er ennþá, á hverjum einasta helv......degi að tönglast í honum að taka nestisboxið uppúr töskunni og ganga frá úr leikfimitöskunni.  En gerist það ??  Ónei !
Að biðja hann að gera eitthvað hérna heima hjá sér er eins og draga úr honum tönn.  Og ekki segja að strákar séu bara strákar, það er engin afsökun..........

Mikið hlýt ég að vera ömurleg móðir fyrst honum finnst í lagi að koma svona fram




Og fjandans stjörnuspáin í dag er ekki að gera sig:

Naut:
Varúð! Þú ert í hættulega alvarlegu skapi. Reyndu að koma auga á það sem er fáránlega fyndið við aðstöðu þína. Það verður ekki erfitt.

Það var nefnilega það.........ég sé bara EKKERT fyndið við þetta !!

Athugasemdir

[Solla (IP-tala skráð) 18.9.2007 kl. 20:46]

RISASTÓRT KNÚÚÚÚÚÚSSSSSS! hang in there :*

[Alma (IP-tala skráð) 18.9.2007 kl. 21:52]

Sæl Gerða

Miðað við það sem ég er búin að lesa hérna á blogginu og lýsinguna á "Rausaranum" þá er ég nokkuð viss um að þú ert sú Gerða sem ég held að þú sért hehehe

Ótrúlegt hverja maður rekst á hérna

En mikið kannast ég við þetta (stráka)vandamál sem þú talar um hérna, minn er á sama aldri, eins og þú kannski manst, og stundum finnst manni þetta aldrei ætla taka enda!

Gaman að detta hingað inn til þín...

Kv. Alma

[Gerða Kristjáns, 18.9.2007 kl. 22:58]

Túsund takk Vigdís og Sollan mín

Alma, en gaman að "sjá" þig hérna   Hvað er að frétta af þér og þínum ??
Ertu með blogg eða heimasíðu sem maður gæti kíkt á ?

[Árný Sesselja, 18.9.2007 kl. 23:44]

Láttu hann komast að því af biturri reynslu að hlutirnir gerast ekki að sjálfu sér..... hættu að taka boxið hans og matartíminn er búinn kl 19.10og hann ekki kominn heim.  Hann gefst upp og lærir á endanum..... 

[flakkari (IP-tala skráð) 19.9.2007 kl. 07:38]

Æi, þú átt alla mina samúð, ég þekki þetta svooo vel. En þetta hefur ekkert með uppeldið að gera, heldur er gelgjan að banka hjá syninum.Mínir tveir voru alveg eins. Þetta er vont, en gengur yfir. Varðandi það að þeir gangi ekki frá sínu dóti, þá setti ég allt það sem var fyrir utan þeirra herbergi í poka, og lét "hverfa" um tíma, oftast voru það uppáhalds leikföng sem hurfu þannig. Laugardagurinn var svo tekin i tiltekt i herberginu, engir félagar eða út að leika, fyrr en allt var i sómanum hjá þeim. Þetta tók ekki langann tíma en var hræðilegt á meðan á því stóð.

HANG IN THERE

[Kristín Katla Árnadóttir, 19.9.2007 kl. 11:46]

 Þú er góð mamma engin vafi á því en því miður er þetta mjög algengt þetta lagast.

[Margrét M, 19.9.2007 kl. 13:19]

þetta er bara nákvæmlega það sem á að gera við svona gorma ..setja afarkosti og ekkert múður ..he he en verð að hryggja þig með því að segja þér að þeir virka ekki á alla .. en ekki hafa áhyggjur þetta virkar á flesta

[Gerða Kristjáns, 19.9.2007 kl. 17:06]

Takk fyrir peppið elskurnar, og takk fyrir slóðina á Heiðu blogg kæri Guðmundur, það var gott/vont að lesa færsluna hennar.

[Heiða B. Heiðars, 19.9.2007 kl. 17:23]

Takk fyrir hlý orð mín megin ;)

En hormónastarfsemi unglinga er náttúrulega ekkert grín.. en hún veldur hvorki heyrna-né skilningsleysi. Ég er á því að ef krakkar á þessum aldri læri ekki að bera virðingu fyrir reglunum sem eru í gildi læri þau það svo sannarlega ekki þegar þau verða alvöru unglingar!
Ég ætla að taka sénsinn á því að vera ferlega hallærisleg hérna og ráðleggja þér að taka snúning á vasabókasálfræði í boði Dr.Phils :)

Taktu af honum eitthvað sem honum finnst hann ekki geta verið án.. síma, tölvu eða eitthvað álíka. Þegar hann hefur farið eftir reglunum í ákveðinn tíma fær hann það aftur... til prufu. Þú vilt ekki að hann virði ekki tímasetningar þegar hann er orðinn fimmtán ára og þurfa að spæna upp parketið hjá þér af áhyggjum ;)

[Heiða B. Heiðars, 19.9.2007 kl. 17:44]

ps... Þessi stjörnuspá er náttúrulega tóm steypa! Fólk í nautsmerkinu er aldrei í fáránlegu neinu skapi!