Enn ein í kotinu.....

....og verð það líklegast aðeins lengur.  Strákarnir mínir áttu að koma heim á morgun, en heilsufarið á þeim bænum er ekki með því skásta  
Þorsteinn fékk einhverja pest sl. helgi.  Fékk hita, höfuðverk, upp og niður en það gekk af honum eftir um sólarhring. 
Matthías fór til húðsjúkdómalæknisins í gær og hann er EKKI með psoriasis !!!  Sem betur fer !!  En hann er með slæmt exem og það er sem betur fer hægt að gera eitthvað í því.  Hann fer á steralyfjakúr í kremformi, borið á hann einu sinni á dag í 10 daga og svo annan hvern dag í 10 daga.  Svo er bara að eiga túpu alltaf við höndina þegar blettirnir koma aftur. 
Laugi fór með Viktor Óla á læknavaktina í dag.....astmahóstinn hans hefur ekkert skánað og ventolinið er ekki að virka sem skyldi, þannig að hann fékk annað púst líka, vona að það hjálpi honum greyinu, það er svo sárt að heyra þetta kríli hósta svona svakalega.
Nú og svo til að toppa þetta þá er pabbi þeirra lagstur í flensu þannig að þeir koma líklegast ekki heim á morgun.   En þeir koma á endanum, það væsir víst alveg örugglega ekki um þá þarna

Þið megið alveg endilega senda Árný frænku góðar hugsanir.  Hún fór til læknis í gær útaf sjóntruflunum og höfuðverk sem hafa verið að angra hana undanfarið og extra slæmt um helgina.

Hún var send með "frímerki" á rassinum norður á Akureyri í frekari skoðanir, fór til auglæknis og í sneiðmyndatöku.  Hún þurfti svo að vera áfram og var löggð inn í dag, það sáust einhverja bólgur við augnbotninn og í fyrramálið á hún að fara í segulómun.
Endilega senda henni pepp...... 

Bið að heilsa ykkur í bili kjúttís..........hafið það eins gott og þið mögulega getið og verið góð við hvert annað

Athugasemdir

[www.zordis.com, 13.3.2007 kl. 22:34]

Voða veikindi eru þetta .... vona að ungu herramennirnir og lífgjafi þeirra jafni sig .......... æj ... nýjasta b vinkona mín hjá lækni.  Skilaðu kveðju, ég sendi henni sólargeisla í nótt!  Geisli fyrir alla lasna og lúpulega!