Home alone....

....já all alone !!  Fyrrv. kom í dag og sótti strákana og ætlar að vera með þá fram á miðvikudag !  Þannig að ég er ein í kotinu !  Og hvað gerir maður einn heima ?  Nú ég tók kast á húsinu þegar ég var búin að vinna, var svo ákveðin í að gera skurk í þessu drasli hérna, að ég gaf mér varla tíma til að stoppa á meðan Solla kíkti í kaffi.  Endaði með að smita hana af "overdrive" þannig að hún fór heim að gera helgarþrifin hehehe   Tók svo svaka skurk hérna, með Peter Gabriel tónleika DVD á háum styrk   Kláraði á einu spani og endaði á að skúra mig útúr húsinu.......tók með mér kókglas og fór í skúrinn að svæla á meðan gólfin þornuðu.  Og svo var það kærkomin sturta !
Ég og Árný frænka vorum búnar að plana dvd kvöld og öl........og af því að Lena frænka (systir Árnýjar) var makalaus heima með börnin ákváðum við að horfa þar, en slepptum ölinu að vísu.
Á morgun er plönuð grísabúðarferð (lesist Bónusferð) á Akureyri, þ.e.a.s. ef veður leyfir.  Það frussaðist yfir okkur þetta blauta hvíta í dag þannig að við ætlum að sjá í fyrramálið hvort veðrið er Akureyrarferðarlegt.

Heyri í ykkur síðar elskurnar.........hafið það eins gott og þið mögulega getið
Ég ætla að fara að "chilla" eins og þessi litli bolti hérna undir

Hey, á meðan ég man........ég fór á leikskólann í dag til að tæma hólfið hans Matthíasar.....Helga, ein af konunum á deildinni hans, kallar í mig og segist bara VERÐA að segja mér soldið.  Matthías náttúrlega eins og hann er, var að andast úr spenningi í morgun yfir því að vera að fara til pabba síns.  Hann bauð ekki góðan daginn þegar ég fór með hann í morgun......hann hljóp inn og uppúr honum kom: "Égeraðfaratilpabbaídagoghannkemuraðsækjamig!"
Hún sagði mér að hann hafi verið að tala um þetta voðalega mikið í dag, að vera að fara til pabba.  Þetta hafði hann að segja um það hvað ég yrði að gera á meðan:
"Mamma getur haft rólegt og frið til að horfa á sjónvarpið, og slakað á!"
Hann er svoooo mikil snúlla þessi sonur minn, rétt að verða 5 ára gamall

Athugasemdir

[Kolla, 10.3.2007 kl. 00:07]

Geðveik mynd, og mikið rosalega er sonur þinn mikið krútt.

Helgarkveðjur

Kolla 

[Gerða Kristjáns, 10.3.2007 kl. 00:07]

Greifinn er ekki í Borgarnesi   Það er möst að stoppa þar og snæða fyrst maður er barnlaus

[Gerða Kristjáns, 10.3.2007 kl. 00:08]

Skipta ?  Ég skilaði hinum........er skilin að borði og sæng eins og það heitir víst

[Harpa Bragadóttir, 10.3.2007 kl. 00:18]

Sæl Gerða mín ég skrifaði smá í gestabókina hjá þér og vona að þú munir eftir mér. Mér þótti allavegana voða gaman að finna þig og frétta af þér hérna. Hef oft hugsa til þín í gegnum árin. Þú hefur ekkert breyst, alltaf jafn bjartsýn og létt jú og prakkaraglottið sé ég ljóslifandi. Það rifjast upp margt, eins og óskorið fransbrauðsát kemur einhverra hluta fyrst upp í hugann  En alla vegana þá vona ég að þú njótir helgarinnar jafn mikið og þessi hnoðri hérna fyrir ofan og takk fyrir allt gamalt og gott

[Harpa Bragadóttir, 10.3.2007 kl. 00:54]

Heyrðu við keyptum heilt fransbrauð létum skera það í tvent og borðuðum svo bara innan úr því með engu  röltum bara um bæinm með brauð í annari, eða þannig var það allavegana í minningunni.

[Anna Gísladóttir, 10.3.2007 kl. 07:36]

Hann Matthías er endalaust krútt !  
Óli les bloggið þitt aðallega til að lesa um gullmolana sem koma frá syni þínum  

[Hugarfluga, 10.3.2007 kl. 08:32]

Æ, hvað hann er mikil dúlla hann Matthías þinn ... og ekki spillir nafnið fyrir. Þetta nafn er ríkjandi í minni fjölskyldu og mér þykir afar vænt um það.

[Anna Ólafs. (IP-tala skráð) 10.3.2007 kl. 08:38]

Njóttu helgarinnar og vonandi kemstu á Akureyri, við gerum okkur stöku sinnum ferð þangað (3.tíma akstur!) Borganes hvað! Akureyri er svo miklumeira en "Grísa búðin".

[www.zordis.com, 10.3.2007 kl. 08:47]

Njóttu þín ljúfan, einmannalegt án drengjanna en nauðsynlegt að fá að strjúka frjálst um höfuð ....  Býrðu í pulsubænum Borgarnesi ... ég hef gist þar á tjaldsvæðinu í brjáluðu ekta íslensku útileguveðri. 

[Gerða Kristjáns, 10.3.2007 kl. 09:11]

Takk fyrir kveðjurnar

Anna, þú mátt koma því til Óla að einstaka komment drepi hann ekki.....

Zordis.......Nei ekki Borgarnes........ég bý í stórborginni Blönduós

[bara Maja..., 10.3.2007 kl. 14:17]

Helgarkveðjur héðan , Matthías er bara krútt, þetta er svo skemmtilegur aldur