Þessi er þrusugóður ! :o))))

Nemandi úr Samvinnuskólanum á Bifröst sótti um vinnu sem afgreiðslumaður í Kaupfélagi úti á landi.

Þetta var svona alvöru kaupfélag þar sem hægt var að fá allt milli himins og jarðar. Kaupfélagsstjóranum leist vel á manninn þótt hann væri ungur og óreyndur og ákvað að taka hann til reynslu. Hann sagði manninum að mæta morguninn eftir og síðan myndi hann koma um kvöldið og athuga hvernig hefði gengið. Kvöldið eftir spurði hann unga manninn hvað hafði hann afgreitt marga viðskiptavini þennan fyrsta dag.

‘Bara einn,’ sagði drengurinn.
Þetta fannst kaupfélagsstjóranum ekki mikið en spurði hvað hann hefði selt fyrir mikið.

“Fimm milljónir eitthundrað níutíu og þrjúþúsund” sagði afgreiðslumaðurinn við kaupfélagsstjórann.

“Hvað seldirðu honum eiginlega, spurði kaupfélagsstjórinn hissa?

“Jú, sjáðu til” sagði drengurinn, “fyrst seldi ég honum lítinn öngul, síðan seldi ég honum miðlungsstóran öngul, þá stóran öngul, svo veiðistöng og síðan spurði ég hann hvar hann ætlaði að veiða. Hann sagðist ætla að veiða í vatninu og þá sagði ég honum að hann þyrfti bát og seldi honum plastbát með 40 hestafla utanborðsmótor. Þá sagði maðurinn að hann gæti aldrei flutt bátinn á Daihatsuinum sínum svo ég fór með hann í véladeildina og seldi honum nýjan Landróver. ”

Nú var andlitið hálfdottið af kaupfélagsstjóranum og hann sagði: ‘Maðurinn kemur hér inn til að kaupa einn lítinn öngul og þú selur honum bæði bát og bíl”!!

‘Nei, nei,’ sagði strákurinn.

‘Hann kom hingað til að kaupa dömubindi handa konunni sinni og ég sagði við hann að fyrst að helgin væri hvort eð er ónýt hjá honum væri eins gott fyrir hann að fara að veiða!’

Stjörnurnar segja í dag:

 Naut: Það verður lokauppgjör í fjölskyldunni - flækjur leysast, og leikarar geta hneigt sig. Bráðum mun þér aftur líka við þetta klikkaða lið sem þú ert skyldur.

Mér finnst þetta soldið skondin spá....... ekki það að mér líkar alls ekkert illa við þetta klikkaða lið sem ég er skyld

Krúttköggull !!!

Eins og skrattinn úr sauðaleggnum er yngsti sonur minn með BRÚN augu....þau er nánast svört á köflum.  Þetta skil ég  bara alls ekki því það er ENGINN (sem ég veit um amk) í nánustu fjölskyldu minni eða pabba hans með brún augu.......tja nema Solla pabbi

Er þetta ekki mesti krúttköggull ever ???  
(Árný, takk fyrir "lánið" á myndinni )

Viktor Óli krútt rúmlega 18 mánaða gamall.

Sami krúttköggullinn með svörtu augun 3 mánaða gamall:

London og gubbupest.......

Ég og 2 yngstu guttarnir pökkuðum okkur saman eftir vinnu á föstudaginn og skelltum okkur í sveitina.  Megintilgangurinn var að hitta 6 af 8 ferðafélögum mínum í væntanlegri London ferð.  Þorsteinn gisti heima hjá Óskari, og fékk Heiðar (pabbi Óskars) það skemmtilega hlutverk að hafa strákakvöld fyrir þá og 1 gutta enn......þar sem mamma hans Óskars er ein af ferðafélögunum
Eftir að hafa komið gaurunum mínum í svefn þá var setið og spjallað og mikið hlegið......og fengið sér örlítið í eina tá eða svo  
Mikið óskaplega er mig farið að hlakka til þessarar ferðar........flugmiðinn bókaður í október og er búin að spara eins og *blíbb* til að geta verslað eitthvað á mig og strákana   Á morgun eru 3 vikur í brottför suður.....og þar hittum við hinar 2, við verðum ss 9 kellur saman, engin börn meðferðis og engar kortabremsur !

Eftir að við komum heim á laugardaginn byrjaði Matthías að gubba, og skömmu síðar fylgdi hinn endinn með líka.  Miður skemmtilegt verð ég að segja.  Hann var svo orðinn hress um kvöldið, borðaði vel og hélt því niðri.  Gat líka farið á klósettið að gera no. 2 án þess að það frussaðist útum allt (geðslegt ég veit hahaha).  Allur gærdagurinn var líka góður.......þangað til í gærkvöldi þegar hann var að fara að sofa.  Hann kvartaði undan að honum væri illt í maganum og ég segi að það lagist eftir að hann sé búinn að sofa......fór samt með fötuna inn til hans, og það var eins fallegt því skömmu síðar gusaðist uppúr honum  
Hann var eins og haugur í morgun greyið.....slappur og druslulegur, en hefur haldið mat að mestu niðri í dag þannig að hann ætlar að fara í leikskólann á morgun.  Kellingin hún móðir hans er víst ekki uppáhaldið þessa dagana, hann má víst ekki neitt......ekki fá gesti, ekki fara út að leika sér, "ég má ekki gera neitt!"

Þetta voru helstu fréttir af Húnbrautinni þennan daginn.

Já á meðan ég man, nú veit ég af slatta af fólki sem kíkir hérna inn, en kvittar aldrei.
Núna vil ég fá KVITT frá ykkur laumulesurum.....já og ykkur hinum líka.
Eitt KVITT drepur ykkur ekki, ég er alveg viss um það !

Takk fyrir ekkert

Ég á ferlega erfitt með að trúa að þeir sem hafa kíkt hérna í dag kunni ekkert að gera úr gúllasi........ætli það hafi ekki frekar verið spurning um að nenna ekki að skrifa það hingað inn.

Takk og bless

Uppskrift óskast

Jæja elskurnar......

Eitthvað gómsætt, fljótlegt og einfalt úr folaldagúllasi................þarf að vera barnavænt

Komið með það, látið hugmyndirnar fljóta

Margt fer öðruvísi en ætlað er........

....og síðast liðin helgi er engin undantekning frá því.

Þetta átti að vera ferlega afslappandi og næs helgi í bústað við Laugavatn með Árný frænku........en í staðinn vorum við í Keflavík, afslappandi og næs helgi þar að vísu

Veðrið á föstudaginn var ekkert gott, það var bara eiginlega hundvont.  Ef Árný hefði fengið sínu fram þá hefðum við ekkert farið......en frekjan ég vildi athuga hvort við kæmumst, nú og ef ekki þá myndi ég bara snúa við.  Við lögðum af stað rétt fyrir ½ 2 og vorum komnar suður um ½ 6.  Strákarnir fóru til pabba síns og við fórum í Keflavíkina og gerðum okkur heimakomnar fyrst húsráðendur voru í brúðkaupi í Reykjavík. 
Það var nefnilega ófært um Hellisheiðina og þá komumst við ekkert í bústað þann daginn.  Skelltum í okkur nokkrum öllurum og gláptum á sjónvarpið.  Einhvern tímann eftir miðnættið langaði okkur alveg svaðalega í pizzu......hringdum í Dominos en getiði hvað ???  Þeir sendu ekki heim vegna veðurs !!  Þannig að við fengum enga pizzu, ekki gátum við sótt hana, báðar komnar með áfengi í eina tá eða svo

Daginn eftir ákváðum við að vera bara áfram þarna, taka ekkert séns á að festast kannski hinum megin við heiðina.  Oddný eldaði ferlega góðan mat handa okkur um kvöldið og við fengum okkur svo meiri öllara.  Drógum fram Hættuspilið sem ég tók með að heiman......og það var ekkert lítið gaman að spila þetta.......langt síðan síðast.  Tókum svo í annað spil eftir að við fengum gest og héldum áfram að sötra ölið.........það var mikið hlegið þetta kvöld, og líka mikið blótað.......þeir eru ekkert alveg að kunna sig í spilamennskunni þessir karlmenn   Oggulítið tapsárir kannski........... hahaha



Vaknaði á sunnudeginum temmilega skýr í kollinum.......og við kvöddum íbúana á Bergveginum og héldum í bæinn.  Fengum okkur að snæða og fórum svo að versla, ísskápurinn tómur heima.....
Sóttum strákana og brunuðum af stað heim.......það var svosem ekki brunað mikið, veðrið var frekar ógeðslegt og Árný blótaði mikið því að hafa sagst skyldu keyra heim.......hún sat uppi með að keyra í þessu blindviðri   En henni gekk það bara vel, við vorum um 4½ tíma heim, það voru þreyttir og sybbnir ferðalangar sem hrundu inn um dyrnar hérna heima.

Þannig að það verður reynt að fara í bústað síðar.....enn einu sinni.  Kannski tekst það þá

Ætla að fá smá útrás.......og halda áfram með þvottafjallið ógurlega. 

Þangað til næst, haldið hlýju í kroppnum

Úr dagbók einhvers.....

12. Ágúst - Fluttum til Íslands að vinna. Settumst að fyrir austan. 
Ég er svo spenntur. Það er svo fallegt hérna, fjöllin eru dýrleg. Ég get ekki beðið eftir að sjá hvernig þau líta út í vetur þegar það fer að snjóa.

14. Október - Ísland er fallegasta land í heimi. Laufin eru öll rauð og appelsínugul. Sáum hreindýr í dag. Þau eru svo falleg. Það er svo kyrrlátt   hérna, algjör paradís. Ég ætla sko að búa hérna það sem eftir er.

11. Nóvember - Bráðum byrjar hreindýra veiðitímabilið. Ég get ekki ímyndað  mér að einhver vilji drepa þessi fallegu dýr. Vona að það fari að snjóa.

Ég elska þetta land.

15. Nóvember - Það snjóaði í nótt. Þegar ég vaknaði var allt hvítt. Þetta   er eins og póstkort. Við fórum út og hreinsuðum snjóinn af tröppunum og mokuðum innkeyrsluna. Fórum í snjóbolta slag (ég vann). Þegar snjóruðningstækið ruddi götuna, þurftum við að moka aftur. Ég elska Ísland!

22. Nóvember - Meiri snjór í nótt. Snjóruðningstækið lék sama leikinn með   innskeyrsluna okkar. Fínt að vera hérna.

15. Desember - Enn meiri snjór í nótt. Komst ekki út úr innkeyrslunni og í vinnuna. Það er fallegt hérna, en ég er orðinn ansi þreyttur á að moka snjó. Helvítis snjóruðningstæki.

22. Desember - Meira af þessu hvíta drasli féll í nótt. Ég er kominn með blöðrur í lófana og illt í bakið af öllu þessu moki. Ég held að gaurinn á snjóruðningstækinu bíði við hornið þar til ég er búinn að moka innkeyrsluna. Helvítis asninn.

24. Desember - Gleðileg Jól, eða þannig! Enn meiri anskotans snjór. Ef ég næ í helvítis fíflið sem keyrir snjóruðningstækið, þá sver ég að ég drep helvítið. Af hverju salta þeir ekki helvítis göturnar hérna meira.

18. Janúar - Meiri hvítur skítur í nótt. Búinn að vera inni í þrjá daga. Bíllinn er fastur undir heilu fjalli af snjó sem fíflið á ruðningstækinu er búinn að ýta að innkeyrslunni okkar. Veðurfræðingurinn spáði 20 cm jafnföllnum snjó næstu nótt. Veistu hvað það eru margar skóflur?

19. Janúar - Helvítis veðurfræðingurinn hafði rangt fyrir sér. Við fengum 35 cm af skít í þetta skipti. Ef það heldur svona áfram þá bráðnar þetta drasl ekki fyrr en um mitt sumar. Snjóruðningstækið festi sig í götunni og helvítis fíflið kom og spurði hvort ég gæti lánað honum skóflu. 

Eftir að hafa sagt honum að ég væri búinn að brjóta sex í vetur við að moka í burtu snjónum sem hann ýtti jafnóðum inn í innkeyrsluna, munaði minnstu að ég bryti eina enn á hausnum á honum.

21. janúar - Komst loksins út úr húsi í dag. Fór í búðina að versla og á leiðinni til baka hljóp hreindýr fyrir bílinn. Skemmdir upp á tugi þúsunda. Vildi að þessum kvikindum hefði verið útrýmt síðasta haust.

26. janúar - Fór með bílinn á verkstæði í bænum. Ótrúlegt hvað þetta ryðgar af öllu þessu saltdrasli sem þeir strá á vegina.

30. janúar  - Flutti til Spánar. Skil ekki að nokkur maður með viti skuli vilja búa á skítaskeri eins og Íslandi!

Mogginn og minningargreinar

Áðan í útvarpinu var verið að spekúlera af hverju fólk les minningargreinar eða dánartilkynningar um fólk sem það þekkir ekki neitt. 
Ég geri þetta en hef enga skýringu á því hver ástæðan er   Ég hef aðgengi að Mogganum í vinnunni og á morgnana kíkjum við Brói í gegnum þessar blaðsíður, nánast undantekningarlaust.
Ég hef séð tilkynningar um fullt af fólki sem ég hef kannast við úr verslunarstörfum mínum.....og ósjaldan hugsað "ekki vissi ég að hún/hann væri veik/ur".  Enda er enginn ástæða til að ég hafi vitað það, mig varðaði bara ekkert um það.  Þetta er bara eitthvað sem hefur flogið uppí hausinn á mér ósjálfrátt.

Í morgun var dánartilkynning um konu sem ég þekkti strax af myndinni, hún hét Jónína H. Jónsdóttir, var kölluð Ninna, og hún var handavinnukennarinn minn í barnaskóla.

Ég á nokkur af þeim stykkjum sem hún lét okkur gera í handavinnu.......hún lét okkur sauma með krosssaumi í nálapúða.....hekla blúndu meðfram, og svo setti hún efnið á bakvið og lokaði honum.  Þennan púða á ég ennþá. 

Hún lét okkur líka prjóna hund !  Allt var þetta prjónað í stykkjum og svo sett tróð í og saumað saman.  Fyrsta umferðin mín af þessum hundaskrokki endaði svo að mamma lét mig rekja það upp og prjóna hann uppá nýtt.......hann var svo lausprjónaður að maður get séð næsta hús í gegnum götin   Sú næsta festist næstum á prjónunum því ég gerði hana svo fast   Mér hefur aldrei þótt gaman að prjóna hehehe   Hún saumaði svo leðurpjötlu á nefið á honum fyrir okkur og þá var hann tilbúinn......þessi hundur er til ennþá.

Hún lét okkur líka sauma handavinnupoka.  Hann er úr smáköflóttu svörtu og hvítu efni.......og dreginn saman með bandi efst uppi.  Svo saumuðum við með kontorsting fangamarkið okkar og ártalið, ásamt blómum sitthvorum megin við stafina.  Mín skammstöfun er VK........og ártalið er 1984 !  Ég var ss. 9 ára gömul þegar ég gerði þennan poka......og ég á hann ennþá......hann geymir hundinn og nálapúðann ásamt fleiri svona gullum.  Mér þykir ógurlega vænt um þessa hluti.

Guð geymi góða konu og megi allir góðir vættir styrkja fjölskyldu hennar, takk fyrir allt Ninna

Ég held.......

....að bloggandinn sé búinn að yfirgefa mig í bili. 

Var að vinna á þorrablóti Vöku kvenna á laugardaginn, það var ljómandi fínt blót.  Hef svosem ekki annað til samanburðar því ég hef aldrei farið á þorrablót áður, hvorki sem gestur né starfsmaður
Svanhildur var að passa fyrir mig, með smá hjálp frá Árnýju, sem tók að sér að koma Viktori í svefn, takk fyrir hjálpina báðar tvær

Ætla að fara í bústað þarnæstu helgi, strákarnir fara til pabba síns og ég ætla að fara um þá helgi.....aðeins að komast burt héðan og slaka á.  Breyta um umhverfi þeas   Það verður ferlega ljúft held ég.  Síðan er ferðin okkar alveg að skella á........London calling eftir ca 42 daga !!

Hef ekkert annað að segja......farið vel með ykkur