Kreppa.........

.........og slaka !!

Það verður sko ekkert helv.....krepputal í gangi á þessu bloggi, er alveg komin með uppí kok af aulabröndurum og krepputali undanfarna daga

Strákarnir mínir fóru til pabba síns á fimmtudaginn og í tilefni af einveru minni í nokkra daga ákváðum við Árný að  bregða undir okkur betri löppunum og skella okkur suður í borg óttans.  Vorum í fínustu verkalýðsíbúð í Sólheimunum og höfðum það fínt. Eyddum helginni með viðhengjunum okkar, drukkum, djömmuðum, skemmtum okkur (og öðrum) alveg ferlega vel, sváfum frameftir, spiluðum og höfðum það bara æðislegt.  Gerðum það sem við vildum, þegar við vildum

Fórum svo heim á mánudeginum......ég þurfti til læknis þá í hádeginu þannig að við komumst ekki fyrr, enda var það allt í lagi, græddum smá auka tíma

Strákarnir mínir áttu svo að koma heim í gærkvöldi, en dallurinn sem leysir Herjólf af, bilaði þannig að þeir komu ekki fyrr en núna áðan.  Yndislegt að fá 3 púka hlaupandi á móti sér þegar maður er búinn að vinna, eftir svona fjarveru

En.....ætla að láta þessu lokið í bili, það fer lítið fyrir blómailminum úr bleyju sonar míns núna

Kv. af Húnabrautinni

Ps. jú á meðan ég man, mér tókst í síðustu viku, af því ég hef EKKERT annað við peningana mína að gera........að klessa bílinn minn á fimmtudaginn, og að brjóta risa fyllingu úr jaxli á leiðinni suður á föstudaginn.

EN.....það reddast.......er það ekki bara ?!?!

Athugasemdir

[Tína, 10.10.2008 kl. 02:51]

Skítt með bílinn....................... er allt í lagi með þig? Ert þú alveg ómeidd? Þú nefnilega gleymdir að taka þetta aukaatriði fram í færslunni góða mín. Þetta er nottla engin frammistaða hjá þér I must say. Vinsamlegast beðin um að svara þessum spurningum hið fyrsta. Takk fyrir.

Knús á þig annars dúllan mín.

[Gerða Kristjáns, 10.10.2008 kl. 17:20]

Elskan mín, ég hefði nú örugglega minnst á það ef ég hefði meitt mig, allt í fínu lagi með bæði mig og Stennu mína.  Hún er ss að vinna með mér og við bökkuðum á hvor aðra í æsingnum við að komast úr vinnunni   Ég fékk varadekkið aftan á pajeronum hennar á hægra afturbrettið hjá mér.........sést ekkert á hennar, allt brettið ónýtt og afturljósið smá brotið