Generalprufa...

Jahá !!  Var að koma inn af generalprufu hjá leikfélaginu hérna........og vá hvað þetta var frááááááábært stykki !!!  Það var hlegið út í gegn allan tímann, þetta fólk sem tekur þátt í þessu er alveg meiriháttar í sínum hlutverkum   Takk kærlega fyrir mig, þetta var frábært

Hvet alla Blönduósinga og aðra sem reka nefið hérna inn og geta kíkt á þetta, að láta þessa sýningu ekki framhjá ykkur fara, hún er frábær !!!!!



Tveir tvöfaldir

Frá Leikfélagi Blönduóss

Næst komandi föstudagskvöld frumsýnir Leikfélag Blönduóss gamanleikinn "Tveir tvöfaldir" eftir Ray Cooney í þýðingu Árna Ibsen. Leikstjóri er Ingrid Jónsdóttir og þetta er í annað skipti sem hún leikstýrir á Blönduósi. Leikarar eru átta talsins en að sýningunni koma í kring um tuttugu manns.

 

Leikritið er fjörugur farsi sem fjallar um alþingismanninn Orm Karlsson, eiginkonu hans Pálínu og aðstoðarmanninn Hrein. Inn í þetta fléttast hjákonan Ásthildur, kínverski þjónninn Sjú-Lí, Doddi, María og síðast en ekki síst hótelstjórinn á Hótel Höll þar sem þetta gerist nú allt saman.

 

Óhætt er að lofa skemmtilegri kvöldstund en miðaverð er kr. 2.500  og 2.000 fyrir öryrkja, ellilífeyrisþega og börn 12 ára og yngri.

 

Frumsýningin hefst kl. 20.00 en næsta sýning er sunnudaginn 9. mars kl. 16.00.

Athugasemdir

[Rannveig Lena Gísladóttir, 6.3.2008 kl. 22:57]

Þvílíka snilldin sem þetta var!  Væri sko alveg til í að kíkja á þetta aftur...

[Kristín Katla Árnadóttir, 6.3.2008 kl. 23:21]

Það væri gaman að sjá þetta Gerða mín.

[Solla, 7.3.2008 kl. 15:28]

Gaman að heyra að þú skemmtir þér vel :)