Flensuskratti

Þá tókst henni að leggja mig   Sendið mér hlýjar hugsanir og heita kjúklingasúpu......og fullt fullt af verkjatöflum.......hausinn er að springa

Það er aldeilis græðgin....

.....í manni þegar það er gott að borða   Tók út lambahrygg í gær og bauð Völu frænku í mat í kvöld, og þvílíka lostætið   Vala útbjó sósuna og strákarnir voru svo hrifnir að þeir vilja fá hann alltaf til að búa til sósu.........skot á mig kannski ?   Það voru allir á þessu heimili búin að fá bollur í dag, bæði í rjómabolluformi og kjötfarsformi, þannig að ég var ekkert að svíkja lit

Í dag, fyrir matinn, fór Matthías í bað.  Þegar ég var að þurrka honum eftir baðið, ákvað ég að það væri kannski ekki vitlaust að taka myndir af blettunum hans eins og við köllum þetta hér á bæ.  Sótti myndavélina og myndaði í gríð og erg.  Hann er kominn með á axlirnar líka og í aðra hnésbótina og ég gerði mér bara ekki almennilega grein fyrir hvað þetta væri orðið slæmt, ekki fyrr en maður fór virkilega að rýna í húðina á honum. 
Þegar ég var að taka myndirnar sagði hann við mig: (hann er að verða 5 ára í apríl)
"Mamma, bráðum fæ ég bletti í andlitið og þá verð ég ógeðslegur " 

Ég hrökk svo svakalega við og hjartað í mér sökk !!  Hver hafði verið að segja þetta við hann hugsaði ég.  Og ég spurði "Og hver segir það?!"  Þá kom........"Ég " 
Hann er svo svakalega meðvitaður um þessa bletti, hvernig þetta lítur út á honum og allt sem því fylgir. 
En að heyra þetta......mér varð svo illt í hjartanu

Ég setti myndirnar í albúm hérna.........ef þið viljið kíkja á þær þá finniði þær hér

Endilega segið mér ef þið kannist við svona bletti/útbrot. 
Takk fyrir ábendinguna um Ásthildi, ég kem til með að setja mig í samband við hana, það getur varla verið verra en eitthvað annað.

ps.....Elsku Linda mín, til hamingju með afmælið í dag

Uppgjör vikunnar og vatnsmelónur

Jæja elskurnar

Þá er helginni að ljúka og ný vinnuvika hefst á morgun, amk svona fyrir all flesta.  Vikan var ágæt, er svona hægt og bítandi að venjast vinnunni aftur, eða aðallega að venjast því að litla gullið mitt sé á stubbadeildinni !  Það fer alveg ofsalega vel um hann þar, sem gerir minn tíma í vinnunni auðveldari     Svo sakar ekki öll athyglin sem hann fær þar, hann er ekki einu sinni orðinn 7 mánaða og yngstur     Merkilegt hvernig börn, sem eru 16-18 mánaða, líta á svona kríli.  Þau eru orðin svo stór og hann svo mikið baby    Ofsalega góð við hann

Ég var með Matthías heima á miðvikudaginn.  Hann er allur útí útbrotum, sem hann hefur haft lengi á sér.....en er bara óvenjuslæmur núna.  Hann svaf mjög illa um nóttina, klæjaði mikið og leið ekki vel.  Þannig að hann var heima og við fórum til læknis.  Ég þarf að fara með hann til húðsérfræðings í byrjun mars.......doktorinn hér giskaði (hann fastsetti ekki neitt) en giskaði á psoriasis   Ég vona svo innilega að litli kallinn minn sé ekki með psoriasis !!  Það er engin saga um það í fjölskyldunni, hvorki hjá mér né pabba hans, en hins vegar saga um mikið og slæmt exem hjá hans fjölskyldu.  En þetta kemur víst allt í ljós eftir þessa húðlæknaheimsókn.

Kvöldin hafa farið í sjónvarpsgláp og leti.......já og nethangs.  Hvað gerði maður hérna áður fyrr áður en netið var ??  Eða á meðan maður hafði bara módem !!  Sjís, nú eru flest allir komnir með adsl eða isdn eða eitthvað álíka.........hvað þyrfti að borga ykkur mikið til að snúa til baka í módemið ?

Jæja, verð að fara og fiska elsta guttann uppúr baðinu.......eða réttara sagt reyna einu sinni enn að reka hann uppúr

Já og meðan ég man..........ef ykkur leiðist eitthvað á næstunni, þá getiði alltaf reynt að slá þetta met.........mér er spurn.......hvernig dettur fólki þetta í hug ??  Hvaðan kemur hugmyndin um að berja hausnum í fullt af melónum til að slá met ???  Ég ætla að vona að mér komi aldrei til með að leiðast það mikið hehehe

Heimsmet slegið á vatnsmelónuhátíð

Hver býður sig fram.....

.....í að færa mér svona fallegan vönd í tilefni konudagsins ásamt lykli að hjarta sínu ?  Ég er alltaf bigtime sökker fyrir rósum

Til ykkar kvennana sem skoða blogið mitt, til hamingju með konudaginn, megi þið njóta hans í botn  
Vonandi er einhver í lífi ykkar sem einskorðar sig ekki bara við konudaginn til að vera sætur í sér, því það eru jú allir dagar konudagar

Til ykkar frá mér.......rafræn blóm ( sorry, diskadrifið vildi ekki taka við þeim og spíta þeim út á hinum endanum hehehe )

Ohhh fojjj !

Ég er að andast úr eirðarleysi !!  Nóg að gera svosem, en bara......fleah !  Sumir dagar eru bara svona......kannski maður ætti bara að tylla sér í leisíbojinn og sauma, og horfa (hlusta) í fyrsta sinn á þessi Eurovision lög sem koma til greina.  Þá ætti maður að hafa einhverja glóru á mánudaginn í vinnunni um hvað er verið að tala hehe   Ég er þó ekki ein um það að hafa ekki heyrt neitt af þessu, Gurrí er í sömu sporum......Gurrí við verðum þá bara alvitrar eftir kvöldið um Eurovision ekki satt ?

Viktor Óli er sofnaður eftir baðferð, Þorsteinn og Matthías voru að byggja sér tjald úr öllum teppum sem þeir fundu í sófanum og gömlu eldhússtólunum........og voru núna rétt í þessu að tilkynna mér að þeir nenntu þessu ekki lengur.......en nenna að sjálfsögðu ekki að ganga frá dótinu eftir sig

Kveð ykkur i kútinn í bili........hafið það eins gott og þið mögulega getið það sem eftir lifir kvölds

ps. smá update skrifað rúmlega hálf tólf.......ég er ennþá engu nær um Eurovision.......ég tók heita og langa sturtu fram yfir úrslitin

Sorgmædd :(

Partur af mínum "kvöldrúnti" áður en ég fer að sofa er að kíkja yfir bloggin, og á spjallborð sem ég hef verið á sl ár.  Þetta er spjallborð tengt útsaumsáhuganum mínum og er staðsett í USA.  Það eru að vísu allra þjóða kvikindi þar ef svo má orða.  Í ca 5 ár hef ég verið þar með annan fótinn og eignast marga góða vini.  Já það er sko hægt að eignast góða vini á netinu, þó maður hafi aldrei og muni jafnvel aldrei hitta þá í raunveruleikanum.

Þegar ég varð þrítug, þá fékk ég saumaða mynd senda í póstinum og kort með.  Þá höfðu 3 af vinkonum mínum, allt eldri konur, tekið sig saman og saumað handa mér mynd.......sú fyrsta saumaði smá og sendi það svo áfram.....sú næsta tók við og sendi það áfram til þeirrar þriðju sem að kláraði hana.  Ég lét ramma hana inn og þrátt fyrir að hafa fengið margar baunir á mig um að þetta sé jólamynd (sem hún er ekki), þá hangir hún uppi alltaf.

Alex, Barb og Cheryl saumuðu þessa mynd ss. og gáfu mér hana.  Ég hef ekki verið í miklu eða stöðugu sambandi við Alex og Barb, en ég og Cheryl höfum verið í miklu email sambandi undanfarin ár. Cheryl Miller lést í dag eftir erfið veikindi, sem ég vissi ekki mikið af, það gerðu það fáir.  Ég vissi að hún var búin að vera lasin, það var eitthvað að hrjá hana en hún gerði lítið úr því.

Hún skilur eftir sig 2 uppkomna syni.

Mér er svo illt í hjartanu

Karlar....alls ekki gleyma konudeginum.....

Flutningur ?

Það er spurning.......er málið að flytja á sér rassinn þaðan og hingað ?  Ég stofnaði þetta blog fyrir löngu síðan, en einhvern veginn nýtti mér það aldrei.  Hvað segið þið, er þetta málið ?